उत्पन्नात वाढ:तीन महिन्यांत सहलीच्या 224 फेऱ्या,‎ धुळे आगाराला 73 लाखांचे उत्पन्न‎

एसटी महामंडळाच्या धुळे‎ आगारातून डिसेंबर ते फेब्रुवारी या‎ तीन महिन्यांत शैक्षणिक‎ सहलीसाठी बसला चांगली मागणी‎ होती. या काळात सहलीसाठी २२४‎ फेऱ्यातून ७३ लाख ६३ हजार ४२१‎ रुपयांचे उत्पन्न प्राप्त झाले. एसटी महामंडळाने शाळांना‎ सहलीसाठी सवलतीच्या दरात बस‎ उपलब्ध करून दिल्या. त्यामुळे‎ एसटीच्या उत्पन्नात वाढ झाली.‎

धुळे आगारातून डिसेंबर महिन्यात‎ १०३ बस सहलीसाठी देण्यात‎ आल्या. या बस ८५ हजार ९९०‎ किलोमीटर धावल्या. त्यातून २९‎‎‎‎‎‎‎‎‎ लाख ८२ हजार ९८० रुपये मिळाले.‎ जानेवारी महिन्यात १०६ बस‎ सहलीसाठी देण्यात आल्या. त्या १‎ लाख १४ हजार ६४० किलोमीटर‎ धावल्या. या महिन्यात सहलीतून ३९‎ लाख ३३ हजार ७४१ रुपये उत्पन्न‎ मिळाले. फेब्रुवारी महिन्यात १५ बस‎ सहलीसाठी देण्यात आल्या. त्या ७‎ हजार ९०० किलोमीटर धावल्या.‎‎‎‎‎‎‎‎‎ त्यातून ४ लाख ४६ हजार ७०० रुपये‎ उत्पन्न मिळाले. तीन महिन्यांत २२४‎ फेऱ्यातून ७३ लाख ६३ हजार ४२१‎ रुपये उत्पन्न मिळाले. आता‎ सहलीचा हंगाम संपला आहे.‎ त्यामुळे उत्पन्न वाढीसाठी एसटी‎ महामंडळाने विवाह सोहळ्यासाठी‎ प्रासंगिक कराराने बस उपलब्ध‎ करून देण्यास प्राधान्य दिले आहे.‎

सप्तशृंगी देवीच्या यात्रेसाठी जादा बस सोडणार‎
शैक्षणिक सहलीसाठी सर्व शाळांना बस उपलब्ध करून देण्यात आल्या.‎ आंतरराज्य प्रवासासाठीही बस दिल्या. आतादे खील गर्दीचा हंगाम‎ असल्याने विविध मार्गावर जादा फेऱ्यांचे नियोजन आहे. सप्तशृंगी देवीच्या‎ यात्रेसाठीही जादा बस सोडण्याचे नियोजन आहे.‎ - स्वाती पाटील, आगार व्यवस्थापक, एसटी महामंडळ, धुळे‎