निगराणी:शहरातील 5 हजारांवर खासगी सीसीटीव्ही‎ कॅमेरे थेट पोलिसांच्याही नियंत्रणात येणार‎

घटनेनंतर तात्काळ मदत आणि‎ गुन्हेगारीवर वचकसाठी शहरातील एक‎ दोन नव्हे सुमारे ५ हजार पेक्षा अधिक‎ खासगी सीसीटीव्ही पोलिसांच्या‎ नियंत्रणात आणता येणार आहे. एआय‎ अर्थात आर्टिफिशियल इंटेलिजन्सच्या‎ माध्यमातून ही प्रक्रिया भविष्यात‎ राबवली जाणार आहे. त्यासाठी इच्छुक‎ सीसीटीव्ही असलेल्या घर, व्यापारी‎ संकुलातील नागरिकांना ही परवानगी‎ विनंती अर्ज देऊन घ्यावी लागणार‎ आहे. सुरक्षा व गुन्हेगारी रोखण्यासाठी‎ ही बाब सध्या पोलिसांच्याही‎ विचाराधीन आहे.‎ शहरातील गुन्हेगारीवर आता‎ हायडेफिनेशनच्या ४९६ कॅमेराचा वॉच‎ राहणार आहे.

शहरातील ११६ ठिकाणी‎ हे सीसीटीव्ही लावले आहे. तर‎ शहरातील उच्चभ्रू वसाहती, कॉलनी,‎ औद्याेगिक क्षेत्र, व्यापारी संकुल,‎ शाळा-महाविद्यालये एवढेच काय तर‎ इतर ठिकाणी असलेले खासगी‎ सीसीटीव्हीच्या माध्यमातूनही पोलिस‎ लक्ष ठेवणार आहे. यातून शहरातील‎ सुमारे ५ हजार सीसीटीव्ही पोलिसांच्या‎ नजरेखाली राहतील. एआय अर्थात‎ आर्टिफिशियल इंटेलिजन्स यंत्रणेतून ती‎ जोडली जाणार आहे. अर्थातच‎ शासकीय व खासगी कंपनीने‎ विस्तारलेल्या फायबर ऑप्टीकल केबल‎ द्वारे हे सीसीटीव्ही नियंत्रणात असतात.‎ तिचा संबंध थेट पोलिस नियंत्रण कक्षात‎ असेल. यामुळे विशिष्ट ठिकाणी गैरप्रकार‎ घडल्यानंतर नेमके काय झाले होते.‎

त्यांची अचूक वेळ तसेच वास्तव चित्रण‎ पोलिसांना पाहता येईल.‎ ४९६ चे लोकार्पण‎ शहरातील विविध ११६ ठिकाणी‎ असलेल्या ४९६ सीसीटीव्हीचे त्रिनेत्र‎ नियंत्रण कक्षातून पोलिसांची नजर‎ राहील. त्याचे रविवारी पालकमंत्री गिरीश‎ महाजन यांच्या हस्ते लोकार्पण झाले. या‎ वेळी विशेष पोलिस उपमहानिरीक्षक डॉ.‎ बी. जी. शेखर-पाटील, खा. डॉ. सुभाष‎ भामरे, आ. अमरीश पटेल, जयकुमार‎ रावल, माजी आ. राजवर्धन कदमबांडे,‎ अधीक्षक संजय बारकुंड, अप्पर‎ अधीक्षक किशोर काळे, अधिकारी एस.‎ ऋषिकेश रेड्डी उपस्थित होते.‎

खर्चीक पण विचाराधीन‎
सुरक्षा अन् गुन्हेगारीवर वचक ठेवण्यासाठी अनेक‎ बाबी विचाराधीन आहे. एआयच्या माध्यमातूनही प्रयत्न‎ संभाव्य आहे. शासनाचे प्रयत्न त्यात मोलाचे आहे.‎ त्यासाठी निधीही लागेल. सध्या व्यापाऱ्यांना रस्त्याच्या‎ दिशेने सीसीटीव्हीलावण ्याचे आवाहन केले आहे.‎ शिवाय गुन्हेगारांवर वॉच ठेवणारे अॅप्सची चाचणी सुरू‎ आहे. जळगाव व अहमदनगर जिल्ह्यातही सीसीटीव्ही‎ बसवण्याचे विचारात आहे.‎ -डॉ. बी. जी. शेखर-पाटील, विशेष पोलिस‎ उपमहानिरीक्षक‎

अशी असेल प्रक्रिया‎
यंत्रणा बसवण्यासाठी संबंधित‎ मालकालापोलिसां ची मदत‎ घ्यावी लागेल. त्यासाठी विनंती‎ अर्ज सादर केल्यावर‎ आवश्यक प्रक्रियेनंतर संबंधित‎ खासगी सीसीटीव्ही‎ पोलिसांच्या नियंत्रण कक्षाशी‎ जोडला जाईल.‎

प्रथमच लौकिक कायम‎
एआय यंत्रणेने सीसीटिव्हीवर वॉच ठेवणारा धुळे प्रथम जिल्हा‎ राहणार आहे. साद्यस्थितीत ही यंत्रणा अयोध्यामधील मंदीर व‎ संवेदनशील ठिकाणी कार्यरत झाली आहे. तर ४१६ सीसीटीव्हीने‎ वॉच राखण्यातही जिल्हा प्रथम ठरला आहे. थोडक्यात दुहेरी बाजुने‎ प्रथम लौकीक कायम राहिला आहे.‎