आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

शासन‎ आदेश:कोरोना मृतांच्या वारसांना 9 कोटी 4‎ लाख वाटप; 1 हजारावर अर्ज नामंजूर‎

धुळे‎एका महिन्यापूर्वी
  • कॉपी लिंक

जिल्ह्यात कोरोनाच्या पहिल्या आणि‎ दुसऱ्या लाटेत अनेकांचा मृत्यू‎ झाला. कोरोनामुळे मृत्यू‎ झालेल्यांच्या वारसांना शासनाच्या‎ आदेशानुसार ५० हजार रुपये‎ अनुदान दिले जाते आहे. त्यानुसार‎ जिल्ह्यात आत्तापर्यंत १ हजार ८०८‎ मृतांच्या वारसांना ९ कोटी ४‎ लाखांचे वितरण झाले आहे.‎ जिल्ह्यातून १ हजार १४४ प्रस्ताव रद्द‎ करण्यात आले आहे.‎ सर्वोच्च न्यायालयाने दिलेल्या‎ निर्देशानंतर केंद्र शासनाने‎ कोरोनामुळे मृत्यू झालेल्या मृतांच्या‎ वारसांना प्रत्येकी ५० हजार रुपयांचे‎ अर्थसाहाय्य देण्याची घोषणा केली.‎ त्यानूसार वारसांना अर्थसाहाय्य‎ दिले जात आहे. यासंदर्भातील अटी,‎ शर्तीमध्ये शिथिलता आणण्यात‎ आली आहे. कोरोनाबाधित रुग्णाचा‎ रुग्णालयात किवा घरी मृत्यू झाला‎ असेल व नोंदणी केलेली नसेल‎ तरीही अर्थसाहाय्य देण्यात येते.

या‎ योजनेंतर्गत वारसांनी ऑनलाइन‎ अर्ज करणे आवश्यक आहे. तसेच‎ मृत व्यक्ती कोरोनाबाधित‎ असल्याचे प्रमाणपत्र सादर करणे‎ बंधनकारक आहे. तसेच ज्या‎ खात्यात अनुदानाची रक्कम जमा‎ होणार आहे ते बँकेचे खाते आधार‎ लिंक असणे अनिवार्य आहे.‎ जिल्ह्यातून कोरोना अनुदानासाठी ३‎ हजार १९० अर्ज प्राप्त झाले होते.‎ त्यापैकी १ हजार ८०८ अर्ज मंजूर‎ झाले असून संबंधितांच्या खात्यात ९‎ कोटी ४ लाख रुपये जमा झाले‎ आहे. धुळे ग्रामीण क्षेत्रातून ९९४‎ पैकी ४७४ अर्ज नामंजूर तर ४८१‎ मंजूर झाले. धुळे महापालिका‎ क्षेत्रातून २ हजार १९६ पैकी १ हजार‎ ३२७ अर्ज मंजूर तर ६७० अर्ज‎ नामंजूर झाले. तसेच १७८ अर्ज‎ प्रलंबित असून त्यावर कार्यवाही‎ सुरू आहे. दुसरीकडे कोरोनामुळे‎ ७२८ रुग्णांचा मृत्यू झाल्याची नोंद‎ आहे. त्यात धुळे ग्रामीण क्षेत्रात ४१२‎ तर धुळे महापालिका क्षेत्रात २६४‎ कोरोनाबाधितांचा समावेश आहे.‎ कोरोनाची लागण झाल्यानंतर‎ रुग्णाचा घरी मृत्यू झाला तरीही‎ अनुदान देण्यात येते. त्यामुळे‎ अनुदानासाठी अर्ज वाढले आहे.

बातम्या आणखी आहेत...