अधिकाऱ्यांनी दिला इशारा‎:तळोदा तालुक्यातील 978 घरकुल‎ अपूर्ण; लाभार्थ्यांना बजावल्या नोटिस‎

तळोदा तालुक्यातील ९७८ घरकुल‎ लाभार्थ्यांना घरकुलाचे काम सुरू न करणे,‎ विहित मुदतीत घरकुलाचे काम पूर्ण न‎ करणे व घरकुलासाठी मिळालेले अनुदान‎ इतरत्र खर्च करणे, अशा विविध‎ कारणासाठी पंचायत समिती प्रशासनाने‎ नोटीस बजावले आहेत. दरम्यान, यानंतर‎ लाभार्थ्यांनी कोणतीही कार्यवाही न‎ केल्यास त्यांच्यावर लोकअदालतीत‎ न्यायाधीशांपुढे उभे केले जाईल, असा‎ इशारा प्रशासनाकडून देण्यात आलेला‎ आहे.‎ प्रधानमंत्री आवास योजना,शबरी‎ आवास व रमाई आवास केंद्र व राज्य‎ शासनाची महत्वाकांक्षी योजना असून या‎ योजनेतंर्गत ग्रामीण भागातील गरजु‎ लोकांना घरकुलांचा लाभ दिला‎ जातो.तळोदा तालुक्यात प्रधानमंत्री आवास‎ योजना //"ब//" यादीत सन २०१६ - २०१७ ते‎ २०२० २०२१ या आर्थिक वर्षात एकुण‎ १०६२१ घरकुले मंजुर आहेत.

त्यापैकी‎‎‎‎‎‎‎‎‎‎‎‎ ९४२९ घरकुले पुर्ण असुन १९७५ घरकुले‎ अपूर्ण आहेत. २६६ घरकुले अद्याप सुरु‎ झालेली नाहीत.तर प्रधानमंत्री आवास‎ योजना योजना //"ड//" यादीसाठी सन‎ २०२१-२०२२ या अर्थिक वर्षात एकूण २२१९‎ घरकुलांचे उद्दिष्ट देण्यात आलेले होते.‎ त्यापैकी २०९३ घरकुलांना मंजुरी देण्यात‎ आलेली आहे. १२६ घरकुलांना मंजुरी‎ देण्याची कार्यवाही सुरु आहे. त्यापैकी ४७१‎ घरकुले पुर्ण झालेली असुन सुमारे दीड‎ हजर घरकुले अपूर्ण आहेत. जवळपास‎ ६०० घरकुले अद्याप सुरु झालेली नाहीत.‎‎ ‎

‎‎‎‎‎‎‎‎‎शबरी आवास योजना अंतर्गत सन २०१६ -‎ २०१७ ते २०२१ २०२२ या आर्थिक वर्षात‎ शबरी आवास योजनेतंर्गत एकुण १४६१‎ घरकुले मंजूर करण्यात आलेली होती.‎ त्यापैकी ११०५ घरकुले पुर्ण असुन ३३९‎ घरकुले अपुर्ण आहेत. ९० घरकुले अद्याप‎ सुरु झालेली नाहीत.रमाई आवास योजनेत‎ सन २०१६ - २०१७ ते २०२१ २०२२ या‎ आर्थिक वर्षात रमाई आवास योजनेतंर्गत‎ एकुण २४६ घरकुले मंजुर असुन पैकी २०६‎ घरकुले पुर्ण असून ३३ घरकुले अपूर्ण‎ आहेत.‎

घरकूल पूर्णत्वाला प्राधान्य‎ जिल्ह्यात सर्वत्र अपूर्ण घरकुल असणाऱ्या‎ लाभार्थ्यांना नोटीस देण्याचे काम सुरू आहे.‎ जिल्ह्यासाठी जवळपास १० हजार नोटिसांची‎ छपाई करण्यात आली आहे. कोणत्याही‎ परिस्थितीत लाभार्थ्याकडून घरकुल‎ पूर्णत्वाला प्राधान्य देण्यात येत आहे.‎ राजेंद्र पाटील, प्रकल्प संचालक, जिल्हा ग्रामीण‎ विकास यंत्रणा नंदुरबार‎

आदेशानुसार पुढील कारवाई‎ तळोदा तालुक्यात एकूण ९७८‎ लाभार्थ्यांना घरकुल अपूर्ण असल्याचे‎ नोटिस बजावण्यात आलेले आहेत.‎ पुढील काळात त्यांनी घरकुलाचे काम‎ पूर्ण न केल्यास प्रशासनाच्या‎ आदेशानुसार पुढील कारवाई करू‎ परशुराम कोकणी,‎ गटविकास अधिकारी, तळोदा‎