‎मृत्यू:हृदयविकारामुळे 35 वर्षाच्या‎ पोलिसाचा शिरपूरमध्ये मृत्यू‎

येथील पोलिस कर्मचारी शिवराज रोहिदास‎ पाटील ( वय ३५) यांचा सोमवारी सकाळी‎ हृदयविकाराच्या झटक्याने ‎मृत्यू झाला. ज्या वेळी ही‎ घटना घडली त्या वेळी ते‎ कर्तव्यावर होते. शिवराज ‎पाटील तालुक्यातील ‎मांजरोद येथील रहिवासी‎ आहे.‎तालुक्यातील मांजरोद‎ येथील शिवराज पाटील २००८ मध्ये मुंबई‎ पोलिस दलात भरती झाले होते. कामाची‎ चुणूक पाहून वरिष्ठांनी त्यांची नियुक्त‎ शिवसेना पक्षप्रमुख उद्धव ठाकरे यांच्या‎ मातोश्री निवासस्थानी केली होती. या काळात‎ त्यांचे वडील रोहिदास पाटील यांचे निधन‎ झाले.

त्यानंतर त्यांची शिरपूर येथे बदली‎ झाली. ते सोमवारी नेहमीप्रमाणे डीवायएसपी‎ कार्यालयात कर्तव्यावर होते. त्या वेळी त्यांना‎ उलटी झाल्याने अस्वस्थ वाटू लागले.‎त्यामुळे कर्मचाऱ्यांनी त्यांना तातडीने एका‎ खासगी रुग्णालयात दाखल केले.‎ तपासणीनतंर डॉक्टरांनी त्यांना मृत घोषित‎ केले. शिवराज पाटील एकुलते एक होते.‎ त्यांच्यावर मांजरोद येथे शोकाकुल‎ वातावरणात अंत्यसंस्कार करण्यात आले.‎ त्यांच्या पश्चात आई, पत्नी व सहा वर्षाची‎ मुलगी आहे.‎

उच्च रक्तदाब, कोलेस्टेराॅल‎ वाढणे आरोग्यासाठी धोकेदायक‎
धकाधकीच्या जीवनात ताणतणाव, उच्च‎ रक्तदाब, कोलेस्टेराॅल वाढल्याने तरुणांमध्ये‎ हृदयविकाराचे प्रमाण वाढले आहे. शरीराच्या‎ वरच्या भागात वेदना किंवा अस्वस्थता‎ जाणवणे, श्वास घेण्यास त्रास होणे किंवा‎ चक्कर येणे, जास्त घाम येणे, थकवा,‎ मळमळ आणि उलट्या होणे, छातीत‎ अचानक दुखणे असे लक्षण असल्यास‎ वैद्यकीय सल्ला घ्यावा.‎ - डॉ. अमित गुजराती, शिरपूर‎