महामेळावा:शासकीय योजनांचा शहरात रविवारी होणार महामेळावा

राष्ट्रीय विधी सेवा प्राधिकरणाच्या जिल्हा शाखा आणि जिल्हाधिकारी कार्यालय यांच्या संयुक्त विद्यमानाने रविवारी (दि.१३) राेजी सकाळी ११ वाजता पोलिस प्रशिक्षण केंद्राच्या पटांगणावर विधी सेवा महाशिबिर व शासकीय सेवा व याेजनांचा महामेळावा हाेणार आहे.

अशी माहिती धुळे जिल्हा विधी सेवा प्राधिकरणाचे सचिव संदीप स्वामी यांनी दिली आहे. या महामेळाव्यात शासनाच्या विविध सेवा व योजना समाजातील सर्व घटकांपर्यंत पोहोचाव्यात या उद्देशाने एकाच ठिकाणी विविध शासकीय विभागांच्या योजनांचे ५० पेक्षा अधिक स्टॉल लावण्यात येणार आहेत.