दिव्य मराठी विशेष:बोरदला तलाठी कार्यालयाची होणार नवी इमारत‎ ; प्रतापूर अन् सोमावलला मंडळ कार्यालय झाले मंजूर‎

तळोदा तालुक्यातील एकूण २५‎ तलाठी कार्यालय मंजूर झाले‎ आहेत. या कामासाठी महसूल‎ विभागाकडून ६ कोटी २५ लाख‎ रुपयांचा निधी मंजूर करण्यात आला‎ आहे. तळोदा, बोरद, प्रतापपूर व‎ सोमावल या ठिकाणी चार मंडळ‎ कार्यालय मंजूर आहेत. यासाठी १‎ कोटी ६० लाखाचा निधी उपलब्ध‎ झाला आहे. या कामांना प्रशासकीय‎ मान्यता प्राप्त झाली असून लवकरच‎ या इमारतीच्या कामांना सुरुवात‎ होणार आहे.‎ तळोदा तालुक्यातील २५ महसूल‎ सजा असलेल्या गावात तलाठी व‎ मंडल अधिकारी यांच्या शासकीय‎ कार्यालयाचे बांधकाम लवकरच‎ केले जाणार आहे. त्यामुळे तलाठी‎ व मंडल अधिकारी यांना हक्काचे ‎ ‎ कार्यालय मिळणार आहेत. त्यात‎ बोरद गावाचाही समावेश आहे.‎ बोरद येथे १९५२ पूर्वी तलाठी ‎ ‎ कार्यालय बांधण्यात आलेले होते.‎ या कार्यालयाच्या इमारतीला‎ कौलारू छत असून पावसाळ्यात‎ मंडल अधिकारी तथा तलाठी यांना ‎ ‎ बसण्याची ही जागा शिल्लक राहत‎ नव्हती. एवढ्या मोठ्या प्रमाणात ही‎ इमारत गळत होती. त्यामुळे ही‎ पूर्णतः जीर्ण अशी पडकी इमारत‎ झालेली असून साधारणतः ७५‎ वर्षांपूर्वी हे तलाठी कार्यालय व‎ मंडल अधिकारी कार्यालय‎ बांधण्यात आलेले होते.‎तालुक्यातील सर्वात मोठे असे १९ ते‎ १३ हजार लोकसंख्या असलेले हे‎ गाव आहे. या बोरद सजाला १५ ते‎ २० असे महसूल गावे जोडलेली‎ आहेत.

त्यामुळे एवढ्या गावातील‎ लोकांचा या ठिकाणी‎ कागदपत्रांसाठी वावर असतो. परंतु‎ पडकी इमारत असल्याने जनतेला‎ उन्हातान्हात उभे राहावे लागते.‎ तसेच इमारत पडकी असल्याने‎ कोणीही त्या इमारती जवळ थांबत नव्हते. मात्र तलाठ्यांना व मंडल‎ अधिकाऱ्याला या ठिकाणी आपला‎ जीव मुठीत धरून थांबून काम‎ करावे लागत होते. गाव पातळीवर‎ बसण्यासाठी हक्काची कार्यालय‎ मिळून येत नव्हती त्यामुळे नवीन‎ कार्यालय बांधकामासाठी प्रांत‎ अधिकाऱ्याकडे प्रस्ताव पाठवण्यास‎ सांगितले होते त्या दृष्टीने प्रस्ताव‎ पाठविण्यात आले होते.‎

बोरद येथील पडक्या अवस्थेतील तलाठी कार्यालय.‎ या गावातही नवीन‎ तलाठी कार्याल‎ बोरदसह छोटा धनपूर, मोहिदा‎ राणीपूर, भवर, कोठार, दलेलपूर,‎ चिनोदा, राजवीर, खुशगव्हाण,‎ शिर्वे, मोड, कढेल, तळवे, मोरवड,‎ अमोनी, इच्छाव्हान, धानोरा,‎ खरवड, मालदा, करडे,पाडळपुर,‎ नळगव्हाण, मोदलपाडा, अंमलपाडा‎ या गावांच्या तलाठी कार्यालयाची‎ इमारत उभी राहणार आहे.‎

या गावातही नवीन‎ तलाठी कार्याल‎ बोरदसह छोटा धनपूर, मोहिदा‎ राणीपूर, भवर, कोठार, दलेलपूर,‎ चिनोदा, राजवीर, खुशगव्हाण,‎ शिर्वे, मोड, कढेल, तळवे, मोरवड,‎ अमोनी, इच्छाव्हान, धानोरा,‎ खरवड, मालदा, करडे,पाडळपुर,‎ नळगव्हाण, मोदलपाडा, अंमलपाडा‎ या गावांच्या तलाठी कार्यालयाची‎ इमारत उभी राहणार आहे.‎