प्रकट दिन:गण गण गणात बोतेच्या गजरात‎ शहरातून पालखीची मिरवणूक‎

गजानन महाराज प्रकट दिनानिमित्त‎ शहरातून शनिवारी श्री सद‌्गुरू गजानन‎ महाराज यांची पालखी मिरवणूक‎ काढण्यात आली. यात गण गण गणात‎ बोतेचा गजर करण्यात आला. तसेच‎ पालखी मार्गावर महिलांकडून रांगाेळी‎ व आैक्षण करीत पालखी मिरवणुकीचे‎ स्वागत करण्यात आले. पालखी‎ मिरवणुकीत भजनी मंडळासह‎ विद्यार्थिनींच्या लेझीम पथकाने नृत्य‎ सादर केली. याप्रसंगी अनेकांनी‎ पालखीच्या दर्शनाचा लाभ घेतला.‎ गजानन महाराज मंदिरात प्रकट‎ दिनानिमित्त विविध कार्यक्रमाचे‎ आयाेजन करण्यात आले आहे. त्याची‎ सुरुवात शनिवारी पालखी‎ मिरवणुकीपासून करण्यात आली.‎ दरवर्षी मिरवणुकीचे आकर्षण असते.‎ देवपुरातील श्री सद‌्गुरू गजानन‎ महाराज सांस्कृतिक व शैक्षणिक‎ मंडळातर्फे गजानन महाराज प्रकट‎ दिनानिमित्त दरवर्षी विविध कार्यक्रमांचे‎ आयाेजन करण्यात येते. त्यानुसार‎ यंदाही प्रकट दिन उत्साहात साजरा‎ केला जाणार आहे. त्यानिमित्त‎ खाेलगल्लीतील बालाजी मंदिरापासून‎ पालखी मिरवणुकीचे आयाेजन केले‎‎‎‎‎‎‎‎‎‎‎‎‎‎‎‎‎‎‎‎ गेले. पालखीच्या मिरवणुकीपूर्वी‎ बालाजी मंदिरात संत गजानन‎ महाराजांची आरती पवन पाेद्दार,‎ त्यांच्या पत्नी संगीता पाेद्दार यांच्या हस्ते‎ व संस्थेचे अध्यक्ष गाेपाळराव केले,‎ त्यांच्या पत्नी सुनंदा केले यांच्या हस्ते‎ करण्यात आले.

याप्रसंगी कमलाकर‎ जोशी, रोहिणी जोशी, तुळशीराम‎ बोरसे, दिलीप भट व भक्तगण मोठ्या‎ संख्येने उपस्थित होते. त्यानंतर पालखी‎‎‎‎‎‎‎‎‎‎‎‎‎‎‎‎‎‎‎‎ मिरवणुकीला सुरुवात झाली. बालाजी‎ मंदिरापासून पारंपरिक वाद्यांच्या‎ गजरात गजानन महाराजाचा जयघाेष‎ करीत पालखी मिरवणूक काढण्यात‎ आली. गल्ली क्रमांक चार, नगरपट्टी,‎ गल्ली क्रमांक सहा, जिंगर गल्ली,‎ टाॅवर बगिचा राेड, पाेलिस चाैकी,‎ आग्राराेड, देवपूर पंचवटी, नेहरू‎ चाैकाकडून वाडीभाेकर राेडवरून‎ नेहरू नगर, पंचायत समिती, जयहिंद‎‎‎‎‎‎‎‎‎‎‎‎‎‎‎‎‎‎‎‎ काॅलेज, जिल्हा क्रीडांगणाकडून‎ पालखी मिरवणूक रामनगरातील‎ गजानन महाराज मंदिरात पाेहाेचली.‎ त्यानंतर पालखीची सांगता करण्यात‎ आली. तर रात्री ८ वाजता मंदिरात‎ वारकऱ्यांतर्फे रिंगण साेहळा हाेणार‎ आहे. कथा व प्रगट दिनाचा लाभ‎ भाविकांनी घ्यावा, असे आवाहन‎ संस्थेचे अध्यक्ष गाेपाळ केले व‎ विश्वस्त मंडळ यांनी केले आहे.‎

उद्यापासून शिवमहापुराण कथा‎
दरम्यान,गजानन महाराज मंदिरात ६ ते १० फेब्रुवारी या काळात शिवपुराण कथेचा कार्यक्रम हाेणार आहे.कथाकार‎ हभप.धनंजय देशपांडे असणार आहे.तर श्री गजानन विजय ग्रंथाचे पारायण ८ ते १० फेब्रुवारी या काळात सकाळी ६ ते रात्री‎ १० वाजेपर्यंत हाेईल.तर १३ फेब्रुवारी राेजी श्री गजानन महाराज प्रकट दिनानिमित्त सकाळी पाच वाजेपासून मंदिरात‎ महाअभिषेक,दुपारी महाआरती, महाप्रसादाचा कार्यक्रम हाेणार आहे.‎

वारकरी पथक,‎ कलशधारी महिला‎
पालखी मिरवणुकीत सजवलेल्या‎ रथावर गजानन महाराज यांची प्रतिमा‎ ठेवण्यात आली हाेती.तसेच‎ घाेडेस्वार,लेझीम पथक,शेगावकडील‎ वारकरी पथक,कलशधारी‎ महिला,शहरातील भजनी‎ मंडळ,भालदार, चाेपदार आदींचा‎ सहभाग हाेता. ठिकठिकाणी पालखीचे‎ स्वागत करण्यात आले.‎
‎