कारवाई‎:वडजाईरोड शाळेजवळ‎ अतिक्रमणावर कारवाई‎

शहरातील अतिक्रमणावर‎ महापालिकेच्या पथकाने कारवाई‎ करण्यास सुरुवात केली आहे.‎ त्यानुसार बुधवारी वडजाई‎ रोडवरील शाळा क्रमांक ५३,५४‎ जवळील रस्त्यावर करण्यात‎ आलेल्या अतिक्रमणावर मनपा‎ पथकातर्फे कारवाई करीत काढण्यात‎ आले.‎ महापालिका अतिक्रमण विरोधी‎ पथकातर्फे बुधवारी शहरातील‎ वडजाई रोड मनपा शाळा क्रमांक‎ ५३,५४ कडुन मदरसा फलदारीनकडे‎ जाणाऱ्या रस्त्यावर शेख फईम शेख‎ मजीद या व्याक्तीने रस्तारुंदीत‎ भिंतीचे बांधकाम करुन अतिक्रमण‎ केले होते. यामुळे सार्वजनिक‎ वाहतुकीस अडथळा निर्माण होत‎ होता. त्यासंदर्भात तक्रारी प्राप्त‎ होत्या.

त्याअनुशंगाने मनपा‎ प्रशासनाने दिलेल्या आदेशाप्रमाणे हे‎ अतिक्रमण काढण्यात आले आहे.‎ यावेळी अतिक्रमण विभाग प्रमुख‎‎‎‎‎‎‎‎‎‎‎‎‎‎‎‎‎‎ प्रसाद जाधव, चाळीसगांव रोड‎ पोलिसस्टेशनचे पाेलिस निरीक्षक‎ धीरज महाजन, अविनाश परदेशी व‎ कर्मचारी त्याचप्रमाणे अतिक्रमण‎ विभागाचे संतोष घडी, युवराज‎ खरात, सनी दुर्दळे, मोहन गवळी,‎ जाकीर बेग, राहुल फुलपगारे, भुषण‎ अहिरे आदी उपस्थित होते.‎

नवरंगजवळही कारवाई‎
महापालिका पथकातर्फे शहरातील‎ अतिक्रमणावर कारवाई करण्यात‎ येत आहे. त्यात बुधवारी देवपूर‎ भागातील नवरंग जलकुंभाच्या‎ जवळील परिसरात व रस्त्यालगत‎ केलेले खाद्य पदार्थ विक्री दूकान,‎ गॅरेज, चहा, फळ विक्रेते यांनी‎ केलेल्या अतिक्रमणावर कारवाई‎ करण्यात आली आहे. रस्त्यालगत‎ पुन्हा पुन्हा अतिक्रमण होत‎ असल्याने वाहतुकीस त्याचा त्रास‎ सहन करावा लागत आहे. याकरीता‎ रस्त्यावरील व जलकुंभावजवळील‎ अतिक्रमणावर कारवाई केली.‎