आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

दिव्य मराठी विशेष:नेटवर्कसाठी डांेगरावर जाणे टळणार; बीएसएनएल उभारणार टाॅवर‎

धुळे‎25 दिवसांपूर्वी
  • कॉपी लिंक

शिरपूर तालुका व महाराष्ट्रातील‎ शेवटचे गाव असलेल्या‎ गुऱ्हाळपाणीत मोबाइल नेटवर्क,‎ वीजेची समस्या गंभीर आहे.‎ मोबाइलला रेंज मिळवण्यासाठी‎ नागरिकांना डोंगरावर जावे लागते.‎ पण आता या गावात बीएसएनएल ४‎ जी मोबाइल टॉवर उभारणार आहे.‎ या टॉवरमुळे गुऱ्हाळपाणी‎ ग्रामपंचायतीच्या आठ पाड्यांमध्ये‎ असलेली नेटवर्कची समस्या सुटेल.‎ इंटरनेट सुविधेमुळे आदिवासी‎ भागातील विद्यार्थ्यांना ऑनलाइन‎ शिक्षण घेणे सोपे हाेईल. तसेच रेशन‎ दुकानदारांना दिलासा मिळेल.‎ कारण रेशन दुकानातूनही ई-पॉस‎ मशिनच्या मदतीने धान्य वितरित‎ होते.

या मशीनलाही इंटरनेटची‎ आवश्यकता असते.‎ शिरपूर तालुक्यातील सातपुडा‎ पर्वत रांगेच्या पायथ्याशी असलेली‎ गुऱ्हाळपाणी ग्रामपंचायत आणि ८‎ पाड्यांमध्ये वीज, मोबाइल‎ नेटवर्कची समस्या गंभीर आहे.‎ त्यामुळे नागरिकांना अनेक‎ समस्यांना तोंड द्यावे लागते. कोरोना‎ कालावधीत मोबाइल नेटवर्कसाठी‎ टेकडीवर शाळा सुरु करण्यात‎ आली होती. या शाळेतून गावातील‎ विद्यार्थी डिजिटल शिक्षणाशी‎ जोडले गेले होते. मोबाइल नेटवर्क‎ मिळत नसल्याने रेशन दुकानदारांना‎ धान्य वितरण करताना अडचण येते.‎ त्याचबरोबर आरोग्य विभागाच्या‎ कर्मचाऱ्यांना विविध योजनांची‎ माहिती ऑनलाइन सादर करणे‎ त्रासदायक होते. त्यामुळे या भागात‎ बीएसएनएलच्या माध्यमातून ४ जी‎ नेटवर्क सेवा सुरु करण्याचा निर्णय‎ झाला आहे.

त्यासाठी बीएसएनएल‎ स्वतंत्र टॉवर उभारणार आहे. टॉवर‎ उभारण्यासाठी गावात गावठाण‎ जागा नसल्याने अडचण येत होती.‎ पण आता गावातील एका व्यक्तीने‎ टाॅवर उभारण्यासाठी जागा देण्यास‎ तयारी दर्शवली. त्यानंतर‎ बीएसएनएलच्या शिरपूर येथील‎ कर्मचाऱ्यांनी जागेची पाहणी केली.‎ पाहणी नंतर टॉवर उभारण्यासाठी‎ जागा निश्चित करण्यात आली.‎ येत्या काही दिवसात टॉवर‎ उभारण्याचे काम सुरू होणार‎ असल्याची माहिती देण्यात आली‎ आहे.‎

आता ४ जी नंतर ५ जी : गुऱ्हाळपाणीत ४ फोर जी‎ टावर बीएसएनएल उभारणार आहे. भाविष्यात याच‎ टॉवरवरून ५ जी सेवा देण्यात येईल. दुर्गम भागातील‎ नेटवर्कची समस्या या टाॅवरमुळे संपेल, अशी माहिती‎ बीएसएनएलचे कनिष्ठ अभियंता विजय चव्हाण यांनी दिली.‎

गावात आठ शाळा, सात अंगणवाड्या‎
गुऱ्हाळपाणी ग्रामपंचायतीच्या हद्दीत गुऱ्हाळपाणीसह आठ पाडे‎ आहे. प्रत्येक पाड्यात प्राथमिक शाळा, अंगणवाडी आहे. या‎ भागात मोबाइल नेटवर्क नसल्याने अंगणवाडी सेविका,‎ मदतनीसांना ऑनलाइन माहिती सादर करण्यासाठी कसरत‎ करावी लागते. नवीन टॉवर उभारल्यावर ही समस्या कायमची‎ सुटण्यास मदत होणार आहे. टॉवर उभारला जाणार असल्याने‎ नागरिकांनी समाधान व्यक्त केले आहे.‎

धान्य वितरणाला फायदा‎
शासनाने रेशनच्या धान्याचा काळाबाजार‎ रोखण्यासाठी ई-पॉस मशिन सुरु केले आहे.‎ पण, गुऱ्हाळपाणी भागात नेटवर्क नसल्यामुळे‎ हे यंत्र चालवताना अडचणी येत होत्या.‎ मोबाइल टॉवर उभारल्यावर ही समस्या‎ सुटेल. त्यामुळे धान्याचा काळाबाजार‎ थांबण्यास मदत होणार आहे. दुसरीकडे‎ जिल्हा प्रशासनाने सरकारी कर्मचाऱ्यांसाठी‎ पगमार्क ही ऑनलाइन हजेरीची प्रणाली सुरु‎ केली आहे. पण या भागात नेटवर्क नसल्याने‎ कर्मचाऱ्यांना ऑनलाइन हजेरी लावता येत‎ नव्हती. आता हा प्रश्नही सुटेल. तसेच‎ ई-पीक पाहणी अचूक होईल.‎

बातम्या आणखी आहेत...