प्रबोधन:मेळावा, नाटिका, पथनाट्यातूनही‎ बालविवाह प्रतिबंधाबाबत जागृती‎

तालुक्यातील शिरडाणे प्र. हा. येथील‎ सार्वजनिक सभागृहात महिला मेळावा‎ व बालविवाह प्रतिबंधक जनजागृती‎ कार्यक्रम घेण्यात आला. याप्रसंगी‎ नाटिका, पथनाट्य व मेळाव्याला‎ उपस्थितांकडून बालविवाह‎ प्रतिबंधाबाबत जनजागृती व प्रबाेधन‎ करण्यात आले.‎ ग्रामपंचायतीच्या सभागृहात जिल्हा‎ परिषद, पंचायत समिती, ग्रामपंचायत‎ यांच्या संयुक्त विद्यमाने हा मेळावा‎ घेण्यात आला. अध्यक्षस्थानी जिल्हा‎ परिषदेचे अध्यक्षा अश्विनी पवार‎ हाेत्या. प्रमुख पाहुणे म्हणून मुख्य‎ कार्यकारी अधिकारी बुवनेश्वरी एस,‎ जिल्हा विधी सेवा प्राधिकरणाचे सचिव‎ न्या. संदीप स्वामी, महिला सभापती‎ संजीवनी सिसाेदे, दिशा समिती सदस्य‎ अरविंद जाधव, फागणे पंचायत समिती‎ सदस्य सुरेखा बडगुजर, जिल्हा महिला‎ बालविकास अधिकारी सचिन शिंदे,‎ गटविकास अधिकारी रावसाहेब वाघ,‎ बालविकास प्रकल्प अधिकारी बी. एन.‎ चाैधरी, डाॅ. माेहनकुमार जगताप आदी‎‎‎‎‎‎‎‎‎‎‎‎‎ उपस्थित हाेते.

महराष्ट्र गीताने‎ कार्यक्रमाची सुरुवात झाली. त्यानंतर‎ मान्यवरांच्या हस्ते प्रतिमापूजन हाेऊन‎ त्यांचा राेपे देऊन सत्कार करण्यात‎ आला. याप्रसंगी न्यायमूर्ती यांनी‎ बालविवाह प्रतिबंधक कायद्याबाबत‎ मार्गदर्शन केले. सभापती संजीवनी‎ सिसाेदे यांनीही महिला शिक्षणाबाबत‎ माहिती दिली. बुवनेश्वरी एस. यांनी‎ बालविवाह दुष्परिणाम, महिलांचे‎ महत्त्व आदी विषयांवर मार्गदर्शन करीत‎ गावातील महिला, विद्यार्थिनी यांच्याशी‎ संवाद साधला. अध्यक्षीय समाराेपात‎ अश्विनी पवार यांनी महिला‎‎‎‎‎‎‎‎‎‎‎‎‎ सक्षमीकरणाचे महत्त्व सांगितले. अॅड.‎ रसिका निकम यांनी महिला शिक्षण व‎ कायदेबाबत माहिती दिली. अॅड.‎ चंद्रकांत येशीराव यांनी बालविवाह‎ प्रतिबंध व त्याबाबतचे कायद्याची‎ माहिती दिली.

तर डाॅ. राेहनकुमार‎ जगपा यांच्यातर्फे माेफत आराेग्य‎ तपासणी शिबिर घेण्यात आले.‎ याप्रसंगी उपस्थित सर्वांनी बालविवाह‎ प्रतिबंधक संदर्भात सामूहिक शपथ‎ घेतली. सूत्रसंचालन विस्तार अधिकारी‎ सुजाता बाेरसे यांनी केले. प्रास्ताविक‎ शिरडाणेच्या ग्रामविकास अधिकारी‎ सुरेखा ठाकरे यांनी केले. याप्रसंगी‎‎‎‎‎‎‎‎‎‎‎‎‎‎‎‎‎ सरपंच सुरेश पाटील, उपसरपंच‎ चुडामण पाटील, ग्रामपंचायत सदस्य,‎ विविध कार्यकारी साेसायटीचे‎ पदाधिकारी, ग्रामस्थ, महिला विद्यार्थी,‎ विद्यार्थिनी, अंगणवाडी कर्मचारी,‎ आशा कार्यकर्ती, आरोग्य अधिकारी,‎ मुख्याध्यापक, शिक्षक उपस्थित होते.‎ यशस्वितेसाठी विस्तार अधिकारी‎ भीमराव गरुड, एन. आर. पाटील, आर.‎ डी. महिंदळे यांनी सहकार्य केले.‎

मुलींना जन्म देणाऱ्या‎ मातांचा केला गौरव
‎ जिल्हा परिषद शाळेच्या विद्यार्थिनींनी‎ स्वागतगीतावर नृत्य केले. मुलगी‎ शिकवा स्वावलंबी बनवा ही नाटिका‎ सादर करण्यात आली. तसेच‎ बालविवाह बंदी यावर दामिनी महिला‎ अत्याचार कक्षाच्या पथकाने पथनाट्य‎ सादर केले. तसेच ग्रामपंचायतीतर्फे‎ गावातील फक्त मुलींना जन्म देणाऱ्या‎ मातांचा साडी-चाेळी देऊन सत्कार‎ केला गेला. तसेच नवजात बालिका व‎ तिच्या आईचे व पाळणा पूजन करीत‎ सत्कार झाला.‎