सुशोभिकरण‎:तुळशीरामनगर उद्यानाचे सुशोभिकरण‎

महापालिकेतर्फे स्वच्छ सर्वेक्षण‎ अभियानांतर्गत वेस्ट टू वंडर या‎ संकल्पनेतून प्रभाग क्रमांक ५ मधील‎ तुळशीराम नगरातील उद्यानाचे‎ सुशोभिकरण करण्यात येणार आहे.‎ त्यानुसार उद्यानात मृणाल‎ गायकवाड व डॉ. राजेंद्र निकम‎ यांच्या हस्ते वृक्षारोपण करण्यात‎ आले.‎

या वेळी आयुक्त देविदास‎ टेकाळे, महापालिकेचे उपायुक्त‎ विजय सनेर, अतिरिक्त आयुक्त‎ नितीन कापडणीस, सामाजिक‎ कार्यकर्ते अरुण पवार, आरोग्य‎ विभागाचे कार्यालयीन प्रमुख राजेंद्र‎ माईनकर, कनिष्ठ अभियंता नरेंद्र‎ बागुल, प्रदीप चव्हाण, मुख्य‎ स्वच्छता निरीक्षक राजेश वसावे,‎ लक्ष्मण पाटील, मलेरिया पर्यवेक्षक‎ विकास साळवे आदी उपस्थित‎ होते. मृणाल गायकवाड म्हणाल्या‎ की, धुळे शहर नावीन्यपूर्ण असून‎‎‎‎‎‎‎‎‎‎‎‎‎ शहरातील प्रत्येक नागरिकाने‎ टाकाऊ वस्तूपासून टिकाऊ वस्तू‎ तयार केल्या पाहिजे.

नागरिकांनी‎ घंटागाडीमध्ये ओला व सुका कचरा‎ विलग करून दिला पाहिजे असेही‎ ते म्हणाले. डॉ. राजेंद्र निकम‎ म्हणाले की, धुळे शहराची रचना‎ सर िवश्वेश्वरय्या यांनी केली आहे.‎ प्रत्येक नागरिकाने शहर सुंदर कसे‎ राहील याकडे लक्ष देण्याची गरज‎ असल्याचे ते म्हणाले.आयुक्त‎ देविदास टेकाळे म्हणाले की, प्रत्येक‎‎‎‎‎‎‎‎‎‎‎‎‎ नागरिकाने घंटागाडीमध्ये ओला व‎ सुका कचरा वर्गीकरण करून देणे‎ आवश्यक आहे.

तसेच गेल्या वर्षी‎ स्वच्छ सर्वेक्षण व माझी वसुंधरा‎ अभियानात चांगले काम केल्यामुळे‎ मनपाला पुरस्काराने सन्मानित‎ करण्यात आले होते. प्लास्टिकचा‎ वापर करू नये. कचरा हा‎ घंटागाडीत द्यावा असे आवाहन‎ त्यांनी केले. यशस्वितेसाठी सुप्रिया‎ निकम, रोहित हिवरकर, महेंद्र‎ प्रकाश ठाकरे आदींनी प्रयत्न केले.