सत्ता परिवर्तन:राजविहीर ग्रामपंचायतीवर 64  वर्षांनी भाजपचा झाला विजय‎

‎तळोदा तालुक्यातील राजविहीर येथील ‎स्थापनेपासून काँग्रेसच्या सत्तेला सुरुंग लावत ‎ ‎ भाजपचे आकाश सतीश वळवी यांच्या ‎ ‎नेतृत्वाखाली सरपंचासह नऊ सदस्य‎ दणदणीत विजयी होऊन सत्ता परिवर्तन झाले ‎ ‎ आहे. ६४ वर्षांनंतर प्रथमच ग्रामपंचायत‎ भाजपच्या ताब्यात गेली आहे.‎ तळोदा तालुक्यातील राजविहीर‎ ग्रामपंचायतची स्थापना १९५९ पासून झाली‎ आहे.

तेव्हा पासून येथे काँग्रेसची एकहाती‎ सत्ता होती. मात्र प्रथमच भारतीय जनता‎ पक्षाच्या पॅनलने याठिकाणी मुसंडी मारत‎ दणदणीत विजय मिळवला आहे.‎ मंगळवारी सकाळी १० वाजता तहसील‎ कार्यालयात निवडणूक निर्णय अधिकारी‎ तहसीलदार गिरीश वखारे यांच्या प्रमुख‎ उपस्थितीत निवडणूक निर्णय अधिकारी एस.‎ एन. सरगर यांनी मतगणनेचे काम पाहिले.‎ त्यात भाजपचे सरपंच उषा आकाश वळवी‎ यांच्या विजय झाला तर सदस्यपदी प्रकाश‎ पाडवी, शारदाबाई नाईक, सावित्री वसावे,‎ अंजुबाई पाडवी, चेतन पाडवी, मंगलसिंग‎ पाडवी, गुलाबसिंह पाडवी, सुमनबाई पाडवी,‎ सरला वळवी यांनी दणदणीत विजय‎ मिळवला.

भाजप पुरस्कृत ग्रामविकास‎ परिवर्तन पॅनल तर काँग्रेसचे ग्रामविकास‎ पॅनलमध्ये सरळ लढत होती. भाजपने माजी‎ जि. प. सदस्य सतीश वळवी व माजी पंचायत‎ समिती सभापती आकाश सतीश वळवी‎ यांच्या नेतृत्वाखाली एकतर्फी विजय मिळवून‎ यश संपादन केले. विजय उमेदवारांनी गावात‎ जल्लोष साजरा केला.‎

नागरिकांकडून विकासाची संधी
‎ भाजपच्या नेतृत्वात राजविहीर‎ ग्रामपंचायतचे विकास पॅनल निवडून आले‎ आहे. राजविहीर ग्रामस्थांनी एकहाती सत्ता‎ दिल्यामुळे या ठिकाणी विकास करण्याची‎ मोठी संधी आहे. ६४ वर्षांत कधीही झाले नाही‎ अशी कामे याठिकाणी होतील.‎ - राजेश पाडवी, आमदार‎