थंडीचा परिणाम:बालदमा, गालफुगी, व्हायरल‎ डायरिया, न्यूमोनिया वाढला‎

काही दिवसांपासून थंडीचे प्रमाण‎ वाढले असून, त्यातच दोन ते तीन‎ दिवसांपासून ढगाळ वातावरण‎ आहे. त्यामुळे आरोग्याच्या‎ तक्रारींमध्ये वाढ झाली आहे.‎ न्यूमोनियासह अन्य श्वसन मार्गाचे‎ विकार वाढले आहे. तसेच दहा ते‎ पंधरा दिवसांपासून लहान मुलांमध्ये‎ गाल फुगी, कांजण्यांचे प्रमाण वाढले‎ आहे. याशिवाय बालदम्याचे रुग्णही‎ आढळत आहे.

तसेच पूर्वीच्या‎ तुलनेत व्हायरल डायरियाचे रुग्ण‎ आढळून येत आहे. थंडीपूर्वी हे‎ प्रमाण नगण्य होते. आता रोजच्या‎ ओपीडीत या आजारांचे रुग्ण १० ते‎ १२ येता आहेत .‎ जिल्ह्यासह शहरात गेल्या तीन ते‎ चार दिवसांपासून ढगाळ वातावरण‎ आहे. तसेच मंगळवारपासून गारठा‎ वाढला आहे. मध्यंतरी दोन दिवस‎ तापमान ७ अंशांवर आले होते. शीत‎ लहरींमुळे आरोग्याच्या तक्रारी‎ वाढल्या असल्याची स्थिती आहे.‎

थंडीचे प्रमाण वाढल्याने दमा, फुप्फुसाच्या आजाराचे रुग्ण वाढले आहे.‎ न्यूमोनियाचे प्रमाण पूर्वीच्या तुलनेत जास्त आहे. तसेच विषाणूजन्यआजार ही‎ वाढता आहे. त्यामुळे दमा व फुुप्फुसाचा त्रास असणाऱ्यांनी काळजी घ्यावी.‎ हिवाळ्यात पाणी पिण्याचे प्रमाण संतुलितठेवावे. त्यामुळे डिहायड्रेशन‎ होण्यासह हार्टअॅटक व ब्रेनस्ट्रोकचा धोका कमी होतो.‎ डॉ. संजय संघवी, फिजिनियन‎

पाणी पिण्याचे‎ प्रमाण संतुलित‎ ठेवल्यास‎ होईल फायदा‎
सर्दी, खोकल्यासह लहान मुलांमध्ये‎ दम्याचे प्रमाण जास्त आढळून येते‎ आहे. तसेच ज्येष्ठ नागरिकांना‎ अस्थम्याचा त्रास होतो आहे. काही‎ बालकांमध्ये कान फुटण्याची‎ समस्या वाढली आहे. न्यूमोनिया,‎ श्वसन विकार, फ्लू, सर्दी‎ खोकल्याच्या आजाराचे प्रमाण‎ पूर्वीच्या तुलनेत दुप्पट वाढल्याची‎ माहिती खासगी वैद्यकीय‎ व्यावसायिकांनी दिली. आता काही‎ प्रमाणात कमी झालेली थंडी पुढील‎ आठवड्यात पुन्हा परतण्याची‎ शक्यता आहे. साेमवार ते‎ बुधवारपर्यंत थंडी वाढू शकते.‎

त्वचा शुष्क होण्याचे प्रमाण‎
वातावरणात बदल झाल्याने सर्दी, खोकला, बाल‎ दम्याचे रुग्ण वाढत आहे. कांजण्या, गालफुगीची साथ‎ आहे. व्हायरल डायरिया आढळून येतो आहे. काही‎ मुलांच्या अंगावर रॅशेस येत आहे. हा त्रास‎ टाळण्यासाठी लहान मुलांना गरम कपडे घालावे.‎ मुलांना थंडीत नेणे टाळावे. या दिवसात त्वचा शुष्क‎ होत असल्याने बॉडी लोशनचा वापर करावा.‎ प्रथिनेयुक्त आहार घ्यावा. शरीर गरम ठेवण्याचा प्रयत्न‎ करावा, अशी माहिती शहरातील बालरोग तज्ज्ञ डॉ.‎ अभिनव दरवडे यांनी दिली.‎

पिकांनाही बसतोय फटका‎
धुक्यामुळे हरभऱ्यावर घाटेअळीचा प्रादुर्भाव वाढेल.‎ तसेच केळीवर करपा रोगाचाा धोका वाढला आहे.‎ गव्हावर बुरशीजन्य आजारांची लागण होण्याचा धोका‎ आहे. कांद्यासह भुईमुगावर मावा व तुडतुड्यांचा‎ प्रादुर्भाव वाढण्याचा धोका आहे. घाटेअाळीचा‎ प्रादुर्भाव टाळण्यासाठी शेतकऱ्यांनी हेल्युलर गोळीसह‎ एकरी दहा कामगंध सापळे लावावे. तसेच कोरोजोन‎ १० लिटर पाण्यात १० मिली प्रमाणात मिसळून त्याची‎ फवारणी करावी, असा सल्ला जिल्हा कृषी विकास‎ अधिकारी यू. टी. गिरासे यांनी दिला आहे.‎