नवरात्राेत्सव:मंदिरांची सजावट; यात्राेत्सवाची तयारी पूर्ण‎

साेमवारपासून नवरात्राेत्सवाला प्रारंभ होत असून शहरातील मंदिरांची सजावट पूर्ण‎ झाली असून विद्युत राेषणाई देखील‎ करण्यात आली आहे. दोंडाईचा‎ रस्त्यावरील प्रेस मारुती मैदानावर भरणाऱ्या ‎यात्रेची तयारीही पूर्ण झाली आहे. मैदानावर ‎ ‎ विविध पाळणाघरे, मनोरंजनाची साधने, ‎ ‎ दाखल झाली असून नवरात्राेत्सवानिमित् त‎ १० दिवस यात्रा चालते.‎ कोराेना महामारीनंतर अडीच वर्षांनी‎ यात्रा भरत असल्याने मोठा उत्साह दिसत‎ आहे.

यात्रेत विविध चीजवस्तूंची दुकाने‎ थाटली असून त्यात महिला साैंदर्यप्रसाधने,‎ खेळणी, खाद्यपदार्थ, रसवंती गृहे,‎ संसाराेपयाेगी साहित्य आदींचा समावेश‎ आहे. दोंडाईचा रस्त्यावरील सप्तशृंगी माता‎ मंदिराची पूर्ण सजावट केली आहे. अतिशय‎ सुंदर व आकर्षक प्रवेशद्वार बनवण्यात‎ आले आहे.मंदिर आवारात भाविकांच्या‎ सोयीसाठी भव्य मंडप उभारला असून‎ मंदिरावर विद्युत रोषणाई केली आहे.‎ दर्शनाकरिता येणाऱ्या भाविकांसाठी सर्व‎ सुविधा उपलब्ध केल्या आहेत. नवरात्रीत‎ रोज पहाटेपासून देवीच्या दर्शनासाठी‎ भाविकांच्या रांगा लागतात. त्यांची‎ काेणतीही गैरसाेय हाेऊ नये यासाठी मंदिर‎ ट्रस्टचे अध्यक्ष राजेंद्र अग्रवाल व त्यांच्या‎ सहकाऱ्यांनी भर दिला आहे.

प्रेस मारुती‎ मैदानालगत असलेल्या भव्य तुळजाभवानी‎ माता मंदिर परिसराचीही सजावट पूर्ण झाली‎ असून मंडप उभारला आहे. दहा दिवस‎ गरबा स्पर्धा घेतल्या जातात. याच परिसरात‎ जुने प्रेस मारुती मंदिर असून ते भाविकांचे‎ श्रद्धास्थान आहे. विजया दशमी दिनी‎ नागरिक या ठिकाणी सीमोल्लंघनासाठी‎ येतात. प्रेस मारुती ट्रस्टचे अध्यक्ष रोहिदास‎ चौधरी यांनी स्वखर्चातून रोषणाई केली‎ आहे. खेतीया रस्त्यावरील अंबाजी मंदिर‎ परिसराचीही सजावट करण्यात आली‎ असून नवरात्रीत शेवटच्या दिवशी मोठा‎ यज्ञ, होम-हवन पूजा होते. महावीर‎ पतसंस्थेचे चेअरमन रमेश जैन, विनय‎ गांधी व मंदिर ट्रस्टचे सर्व सदस्य योगदान‎ देतात. पाेलिस बंदाेबस्त तैनात असताे.‎ दरम्यान नवरात्राेत्सव काळात विविध‎ धार्मिक अनुष्ठान, हाेमहवन, सप्तशती‎ पठण आदी विविध कार्यक्रमांचे आयाेजन‎ करण्यात आले असून भाविकांना त्यात‎ सहभाग, उपस्थिती देण्याचे आवाहन‎ करण्यात आले आहे.‎

म्हाळसादेवी मंदिरात ५० जाेडप्यांच्या हस्ते महापूजा
शहरातील भावसार मढीतील हिंगलाज माता मंदिराची सजावट पूर्ण झाली आहे.‎ शहरापलीकडे असलेल्या तिखोरा येथे सर्वात पुरातन अशा पद्मावती माता मंदिराची देखील‎ सजावट करण्यात आली. मंदिर आवारात मंडप उभारला असून दर्शनासाठी माेठी गर्दी‎ उसळते. डोंगरगाव रस्त्यावरील म्हाळसादेवी मंदिरातही धार्मिक कार्यक्रमांचे आयोजन केले‎ आहे. मंदिर परिसर स्वच्छ करून विद्युत रोषणाई केली. शेवटच्या दिवशी ५० पेक्षा अधिक‎ जोडप्यांना महापूजेसाठी आमंत्रित केले जाते. मंदिर ट्रस्टचे अध्यक्ष प्रा.गणेश सोनवणे,‎ डॉ.कलाल व त्यांचे सहकारी परिश्रम घेत आहेत.‎