मत:शिक्षणामुळेच वाढते विचारांची प्रगल्भता‎; डॉ. मंगला फुलंब्रीकर यांचे मत

शिक्षणातून विचारांची प्रगल्भता‎ वाढते. शिक्षणामुळेच सुजाण‎ नागरिक घडतात. कुटुंब व्यवस्था‎ बळकट ठेवण्यासाठी महिलांनी‎ शिक्षण घेण्यासह घरात संवाद‎ वाढवावा, असे मत शहाद्यात डॉ.‎ मंगला फुलंब्रीकर यांनी व्यक्त केले.‎ महिला दिनानिमित्त येथील‎ क्रांतिज्योती पतसंस्थेच्या सभागृहात‎ रोटरी क्लब आणि इनरव्हील‎ क्लबतर्फे कार्यक्रम झाला. त्या वेळी‎ त्या बोलत होत्या. प्रा. संदीप गिरासे‎ अध्यक्षस्थानी होते.

या वेळी‎ बाळकृष्ण बोरसे उपस्थित होते. डॉ.‎ मंगला फुलंब्रीकर म्हणाल्या की,‎ कुटुंबाच्या प्रगतीत महिलांचा मोठा‎ वाटा असतो. महिलांनी त्यांची ऊर्जा‎ घराच्या प्रगतीसाठी वापरावी.‎ कुटुंबाचा विश्वास संपादन करावा.‎ मुलांवर चांगले संस्कार करावे.‎ महिलांमध्ये प्रचंड सामर्थ्य असते.‎ महिला तिच्या कर्तृत्वाने मोठी आहे‎ आणि पुढेही मोठीच असेल. मात्र,‎ काळाच्या ओघात महिला तिची‎ क्षमता विसरली आहे. जेव्हा‎ महिलांना त्यांचे सामर्थ्य कळेल‎ तेव्हा महिला दिवस साजरा‎ करण्याची वेळ येणार नाही, असेही‎ त्यांनी स्पष्ट केले. या वेळी मुलांनी‎ गीत सादरीकरण केले.‎

पुरुषांनी निवडले गहू अन् लाटल्या पोळ्याही‎
या वेळी पुरुषांसाठी विविध स्पर्धा झाल्या. त्यात गहू निवडणे, पोळ्या लाटणे,‎ शर्टाचे बटण लावणे, सुईत धागा ओवणे यासह अन्य स्पर्धांचा समावेश होता.‎ स्वयंपाक घरासह अन्य काम करताना महिलांची कशी तारांबळ उडते हे‎ पुरुषांना समजावे या उद्देशाने हा उपक्रम राबवण्यात आल्याची माहिती तृप्ती‎ गिरासे, स्मिता देशमुख यांनी दिली.‎