आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

महापालिकेतर्फे मोजमाप‎:कराराने दिलेल्या भूखंडांची मोजणी‎

धुळे‎एका महिन्यापूर्वी
  • कॉपी लिंक

महापालिकेने काही संस्थांना सामाजिक‎ कामांसाठी कराराने भूखंड दिले आहेत. त्यातील‎ काही संस्थांसोबत केलेल्या कराराची मुदत‎ संपली आहे. त्यानंतरही या संस्थांनी भूखंड‎ महापालिकेच्या ताब्यात दिलेले नाही. आता‎ अशा १५४ भूखंडांचे महापालिकेतर्फे मोजमाप‎ होणार आहे. याविषयीची सूचना नगररचना‎ विभागाला मनपा प्रशासनाने केली आहे.‎

शहरात महापालिकेच्या मालकीचे भूखंड‎ आहे. त्यातील काही भूखंड सामाजिक संस्थांना‎ कराराने नाममात्र शुल्कासह देण्यात आले आहे.‎ पण कोणत्या संस्थेला किती वर्षांसाठी भूखंड‎ दिले याची एकत्रित माहिती महापालिका‎ प्रशासनाकडे नव्हती. काही संस्थांचे करार संपले‎ आहे. पण या संस्थांनी अद्यापही भूखंड‎ महापालिकेत जमा केलेले नाही.

याविषयाकडे‎ नगरसेवकांनी लक्ष वेधले. तसेच करार संपलेले‎ सर्व भूखंड ताब्यात घ्यावे, अशी सूचना केली.‎ त्यानंतर महापालिकेने सर्व भूखंडांची माहिती‎ घेण्यासाठी इस्टेट मॅनेजर नेमला. सर्व जागांचा व‎ कागदपत्रांचा शोध घेण्यात आला. त्यानुसार‎ शहरात १५४ भूखंड कराराने दिले असल्याचे‎ निदर्शनास आले.

त्यातील बहुतांश भूखंडांच्या‎ कराराची मुदत संपली आहे. त्यामुळे संबंधित‎ सामाजिक संस्थांना भूखंड परत देण्यासाठी‎ महापालिकेने पत्र व्यवहार केला आहे. पण‎ अद्यापही या संस्थांनी भूखंड परत दिलेले नाही.‎ त्यामुळे आता महापालिका प्रशासनाने या‎ भूखंडाचे मोजमाप करण्याचे ठरवले आहे.‎ नगररचना विभागातर्फे हे काम होणार आहे.‎ तसेच मोकळ्या जागांना महापालिकेचे नाव‎ लावण्याची प्रक्रिया सुरू झाली आहे.‎

बातम्या आणखी आहेत...