प्रतिपादन:निरोगी शरीरासाठी प्रत्येकाने नियमित‎ व्यायाम करणे गरजेचे ; पालकमंत्री‎

भारत हा तरुणांचा देश आहे.‎ देशातील तरुण सुदृढ राहिला तर‎ देश बलवान होतो. याकरता प्रत्येक ‎ ‎ तरुणाने आपले शरीर निरोगी ‎ ‎ ठेवण्यासाठी नियमितपणे व्यायाम ‎करणे आवश्यक आहे, असे‎ प्रतिपादन पालकमंत्री गिरीश‎ महाजन यांनी केले.‎ जिल्हा पोलिस दल,‎ जिल्हाधिकारी कार्यालय, जिल्हा‎ परिषद प्रशासन, महापालिका व‎ जिल्हा क्रीडा अधिकारी कार्यालय‎ यांच्या संयुक्त विद्यमाने फिट धुळे,‎ हिट धुळे ही थीम घेऊन शहरात‎ मॅरेथॉन स्पर्धा झाली. उद्घाटन‎ पोलिस कवायत मैदानावर‎ पालकमंत्री महाजन यांच्या हस्ते‎ झेंडी दाखवून करण्यात आले.

या‎ वेळी आमदार जयकुमार रावल,‎ कुणाल पाटील, मंजुळा गावित,‎ नाशिक परिक्षेत्राचे विशेष पोलिस‎ महानिरीक्षक बी. जी. शेखर पाटील,‎ जिल्हाधिकारी जलज शर्मा,‎‎ उपमहापौर नागसेन बोरसे, पोलिस‎ अधीक्षक संजय बारकुंड,‎ महापालिका आयुक्त देविदास‎ टेकाळे, अपर पोलिस अधीक्षक‎ किशोर काळे, सहायक‎ जिल्हाधिकारी तृप्ती धोडमिसे,‎ उपविभागीय पोलिस अधिकारी एस.‎ ऋषिकेश रेड्डी, ट्रिपल महाराष्ट्र‎ केसरी विजेते विजय चौधरी,‎ महापालिकेच्या ब्रँड अँबेसेडर‎ मृणाल गायकवाड उपस्थित होते.‎ स्पर्धेत २१ किलोमीटर फुल मॅरेथॉन,‎ १० किलोमीटर हाफ मॅरेथॉन, ५‎ किलोमीटर ड्रीम रन आणि ३‎ किलोमीटर फॅमिली रन चार‎ विभागात आयोजन करण्यात आले‎ होते.

पोलिस कवायत मैदानापासून‎ सुरू झालेल्या मॅरेथॉन स्पर्धेचा‎ छत्रपती शिवाजी महाराज पुतळा,‎ आग्रा रोड, पाच कंदील, कराची‎ वाला खुंट, गांधी पुतळा, नेहरू‎ चौक, दत्त मंदिर चौक, स्टेडियम‎ तसेच मेहेरगावपासून पुन्हा पोलिस‎ कवायत मैदान येथे समारोप झाला.‎ स्पर्धेत धुळे जिल्ह्यासह जळगाव,‎ नाशिक, नंदुरबार, नगर, अमरावती,‎ मुंबई आदी जिल्ह्यातील स्पर्धकही‎ मोठ्या संख्येने सहभागी झाले होते.