दहावीची परीक्षा:जिल्ह्यातील 66 केंद्रांवर आज परीक्षा;‎ 11 भरारी पथके, चित्रीकरणही होणार‎

दहावीच्या परीक्षांना गुरुवारपासून‎ सुरुवात होत आहे. जिल्ह्यातील ६६‎ परीक्षा केंद्रावर ही परीक्षा होईल.‎ पूर्वसंध्येला विद्यार्थ्यांनी परीक्षा केंद्रावर‎ आपले नंबर पाहण्यासाठी गर्दी केली‎ होती. कोरोनाच्या संकटातील तीन‎ वर्षानंतर पहिल्यांदाच कडक नियमात‎ ही परीक्षा होणार आहे. परीक्षा दरम्यान‎ गैरप्रकार रोखण्यासाठी ११ भरारी‎ पथकांची नियुक्ती करण्यात आली‎ आहे. विद्यार्थ्यांना परीक्षा कालावधीत‎ येणाऱ्या अतिरिक्त मानसिक‎ दडपणाच्या निराकरणासाठी हेल्पलाईन‎ सुरू करण्यात आली आहे.‎ धुळे शहरात ३१, साक्री तालुक्यात‎ १३, शिरपूर तालुक्यात ९, शिंदखेडा‎ तालुक्यात १३ परीक्षा केंद्र आहेत.‎ परीक्षा साहित्यासाठी ८ कस्टडी आहेत.‎ त्यात धुळे शहरात ३, साक्री व‎ शिंदखेडा तालुक्यात प्रत्येकी दोन तर‎ शिरपूर तालुक्यात १ कस्टडी आहे. या‎ परीक्षा मधील गैरप्रकार रोखण्यासाठी‎ महसूल आणि जिल्हा परिषदेच्या‎ अधिकाऱ्यांचे बैठे पथक आहे. या बैठे‎ पथकाला बुधवारी जिल्हा नियोजन‎ सभागृहात प्रशिक्षण देण्यात आले.‎ परीक्षा केंद्राच्या ५० मीटर अंतरावर‎ प्रवेश निषिद्ध करण्यात आला आहे.‎

अनधिकृत व्यक्ती बेकायदेशीररित्या‎ प्रवेश करण्याचा प्रयत्न करताना‎ आढळून आला. तर थेट फौजदारी गुन्हा‎ दाखल करण्यात येणार आहे. परीक्षा‎ कालावधीत परिक्षा केंद्राच्या परिसरात‎ कलम १४४ लागू आहे. याच बरोबर‎ परीक्षा केंद्राच्या बाहेरील झेरॉक्स दुकान‎ बंद ठेवण्याचे आदेश देण्यात आले‎ आहेत. नियमांचे उल्लघंन करणाऱ्यांवर‎ थेट गुन्हे दाखल करण्यात येणार आहे.‎ दरम्यान, बारावीच्या परीक्षेच्या पहिल्या‎ पेपरला पथकांनी करडी नजर ठेवली‎ होती. त्यामुळे आताही दहावीच्या परीक्षेत‎ पथकांची करडी नजर राहील, याचे‎ नियोजन शिक्षण विभाग आणि‎ प्रशासातर्फे करण्यात आहे. तर विद्यार्थी‎ हे पहिल्यांदाच बोर्डाची परीक्षा देणार‎ असल्याने त्यांना सोडण्यासाठी परीक्षा‎ केंद्रांवर विद्यार्थ्यांसह पालिकांची मोठी‎ गर्दी होण्याची शक्यता आहे. ‎तसेच‎ परीक्षा केंद्रांवर कोणाताही अनुचित‎ प्रकार घडू नये म्हणून जिल्ह्यातील‎ सर्वच परीक्षा केंद्रांवर पोलिसांकडून‎ चोख बंदोबस्त ठेवण्यात येणार‎ असल्याचे सूत्रांनी सांगितले.‎

हेल्पलाइनची घ्या मदत‎
परीक्षांचा अतिरिक्त दडपण किंवा ताण‎ तणाव विद्यार्थ्यांना आला तर तणाव‎ निवारण्यासह परीक्षा कालावधीत‎ येणाऱ्या अडचणीसाठी मंडळाकडून‎ हेल्पलाइन सुरू करण्यात आली आहे.‎ ०२५३-२९५०४१०,२९४५२४१ ,२९४५२५१‎ या क्रमांकावर संपर्क करू शकतात. या‎ व्यतरिक्त थेट राज्य मंडळाची‎ हेल्पलाईन ०२०-२५७०५२७१,२५७०५२७‎ २ या क्रमांकावर संपर्क करू शकतात.‎ ही हेल्पलाईन परीक्षा कालावधीत सुरु‎ राहणार आहे.
‎
अर्धा तास आधी केंद्रात हजर राहणे आवश्यक‎
प्रत्येक विद्यार्थ्यांनी पेपर सुरू होण्याच्या आधी अर्धा तास‎ परीक्षा गृहात हजर राहणे बंधनकारक आहे. पेपरसाठी‎ प्रश्नपत्रिका आणि उत्तर पत्रिका वितरीत झाल्यानंतर‎ विद्यार्थ्यांना कोणत्याच सबबीत परीक्षा केंद्रात प्रवेश देण्यात‎ येणार नाही. गुरुवारी मराठीचा तर ६ मार्च रोजी सोमवारी इंग्रजी‎ विषयाचा पेपर होणार आहे.‎

प्रत्येक केंद्रावर बैठे पथकांचीही नियुक्ती‎
प्रत्येक परीक्षा केंद्रावर बैठे पथकांची नियुक्ती करण्यात आली‎ आहे. बैठे पथकातील अधिकाऱ्यांनी परीक्षेचे गोपनिय पाकीट‎ ताब्यात घेतल्या पासून ते केंद्रात पोहोचेपर्यंत व वितरीत‎ करेपर्यंत चित्रीकरण करावयाचे आहे. तसेच संपूर्ण परिक्षा‎ केंद्राचे देखील बैठे पथकाचे अधिकारी चित्रीकरण करणार‎ आहेत.‎