आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

दिव्य मराठी विशेष:पोलिस भरतीत 116 वर्षात प्रथमच तृतीयपंथीचे आव्हान‎

गणेश सूर्यवंशी |धुळे‎एका महिन्यापूर्वी
  • कॉपी लिंक

अगदी इंग्रजांच्या कालावधीपासून‎ म्हणजे सन १९०७ पासून स्थापन‎ असलेल्या पोलिस दलात ११६ वर्षात‎ प्रथमच चाँद तडवीच्या रुपाने तृतीय‎ पंथियाने पोलिस भरतीसाठी‎ आव्हान दिले. जळगाव‎ जिल्हयातील रहिवाशी असलेल्या‎ चाँद तडवी उर्फ बेबो पार्वती जोगी ने‎ धुळ्यातून अर्ज दाखल केला आहे.‎ गुरुवारी होणाऱ्या चाचणीत चाँद‎ सुमारे वर्षभराचा सराव व प्रचंड‎ आत्मविश्वासाने उतरणार आहे.‎ पोलिस झाली तर समाजसेवेलाच‎ प्राधान्य राहील. शिवाय‎ तृतीयपंथीयांचा सन्मान अधिक‎ वाढवण्याचा मानस असल्याचे चांद‎ सांगते.‎

जिल्हा पोलिस दलाच्या वतीने‎ सध्या ४२ पदांसाठी भरती होते आहे.‎ त्यासाठी ३ हजार ९०० पेक्षा अधिक‎ अर्ज आले आहे. परंतु इंग्रज‎ कालापासून ११६ वर्ष व महाराष्ट्र‎ पोलिस स्थापनेच्या ६२ वर्षांच्या‎ काळात मात्र प्रथमच ही भरती‎ वेगळे महत्व राखून आहे. भुसावळ‎ येथील तृतीयपंथी चाँद सरवर तडवी‎ (वय २७) च्या रुपाने यंदाची भरती‎ वेगळी ठरणार आहे. पोलिस‎ भरतीसाठी सुमारे वर्षभरापासून चाँद‎ तयारी करत होती. मैदानी सराव‎ सोबत अभ्यासावर ही लक्ष केंद्रीत‎ केले आहे. धावणे व गोळाफेक‎ मध्ये चाँद अधिक उजवी ठरणार‎ आहे.

तसा कसून सराव केल्याचे‎ सांगते. सन २०२१ मध्ये पोलिस‎ भरतीसाठी महिला प्रवर्गातून चाँदने‎ चाँद उर्फ बेबो पार्वती जाेगी‎ अर्ज भरला. परंतु नुकताच सर्वोच्च‎ न्यायालयाने तृतीय पंथीयांसाठी‎ सन्मानाने शासकीय सेवेत स्थान‎ दिल्यावर चाँद ते आता थर्ड जेंडर‎ म्हणून उमेदवारी नमूद केली आहे.‎ परंतु चाँद हिचा हा प्रवास सहज व‎ सोपा नव्हता.

खडतर परिश्रम‎ सोसतांना तिच्या कुटूंबियांनीही तिला‎ आधार दिल्याचे ती आवर्जून सांगते.‎ पोलिस भरतीसाठी चाँद शहरात‎ दाखल झाली आहे. पार्वती परशुराम‎ जाेगी तिचे गुरू तर आमच्यासाठी‎ लढा देणारे आर्या पुजारी‎ प्रेरणास्थानी आहे. शिवाय स्वरा‎ जोगी, संदल जोगी, निलू जोगी,‎ समीभा पाटील, दिशा पिंकी शेख,‎ मयुरी आवडेकर, विक्की शिंदे,‎ प्रशिक्षण इरफान शेख व समाधान‎ तायडे यांनी नेहमीच मनोबल‎ वाढवल्याचे चाँद उर्फ बेबो पार्वती‎ जाेगी अभिमानाने सांगत आहे.‎

मनोबल आहे उंच‎
तृतीय पंथीय म्हणून माझाच केवळ‎ एकमेव अर्ज आहे. शिवाय‎ वर्षभरापासून सराव व अभ्यास‎ केला आहे. त्यामुळे मी पात्र ठरेल.‎ असा विश्वास आहे. शिक्षण हे‎ गरजेचे असल्यामुळे केवळ‎ आम्हीच नाही तर उपेक्षित‎ घटनकांनीही घेतले पाहिजे.‎- चाँद तडवी, पोलिस भरती उमेदवार‎

बी. कॉमची विद्यार्थिनी‎
चाँद ही टि.वाय.बी.कॉमचे‎ शिक्षण घेत आहे. औरंगाबादच्या‎ सोयगाव तालुक्यातील फर्दापूर‎ येथील राजकुवर कॉलेजची ती‎ विद्यार्थीनी आहे. शासकीय‎ नोकरीच्या ध्यास घेत तिने‎ आतापर्यंत रेल्वे, आरोग्य व पोस्ट‎ विभागाची देखील परीक्षा दिली‎ आहे.‎

बातम्या आणखी आहेत...