आली होळी:प्रथमच प्लास्टिकच्या डाेलचीचा हाेणार वापर‎

कोरोनाचा प्रादुर्भाव नसल्याने यंदा‎ होेळी व धूलिवंदनावर कोणतेही निर्बंध‎ नाही. त्यामुळे उत्साह वाढला आहे.‎ बाजारात होळी, धूलिवंदनाच्या‎ पार्श्वभूमीवर विविध प्रकारचे रंग,‎ पिचकाऱ्या विक्रीसाठी दाखल झाल्या‎ आहे. शहरात पत्र्यापासून तयार‎ केलेल्या डाेलचीतून धूलिवंदनाच्या‎ दिवशी एकमेकांना पाण्याचे फटके‎ मारण्याची परंपरा आहे. पण यंदा‎ बाजारात पत्र्याच्या डाेलची एेवजी‎ प्लास्टिकची डाेलची विक्रीसाठी आली‎ आहे. तिचा प्रथमच वापर हाेणार आहे.‎ शहरात आठ दिवसांपासून होळी व‎ धूलिवंदनाची तयारी सुरू आहे.‎

त्यासाठी शहरातील प्रमुख चौकात‎ पाण्याच्या टाक्या ठेवण्यास सुरुवात‎ झाली आहे. तसेच काही ठिकाणी‎ कृत्रिम कारंज्याची साेय करण्यात येणार‎ आहे. कोरोना नसल्याने यंदा तीन‎ वर्षांनतर धूलिवंदन निर्बंधमुक्त‎ वातावरणात हाेणार आहे. त्यामुळे‎ युवकांमध्ये उत्साह आहेे. अनेकांचा‎ कल पर्यावरण पूरक धूलिवंदनाकडे‎ आहे. त्यादृष्टीने बाजारात नैसर्गिक रंग‎ विक्रीसाठी आले आहे. शहरातील‎ फुलवाला चाैक, आग्राराेड,‎ पाचकंदील, जयहिंद चाैक, संताेषी‎ माता चाैक, दत्त मंदिर चाैक आदी‎ भागात पिचकारी आणि रंग, मुखवटे‎ विक्रेत्यांनी दुकान थाटली आहे.‎ बाजारात ५० रुपयांपासून तीन‎ हजारापर्यंतच्या पिचकाऱ्या विक्रीसाठी‎ आल्या आहे.‎

डोलची ३० ते ५० रुपयांना : शहरात पत्र्यापासून तयार केलेल्या डाेलचीतून धूलिवंदनाच्या दिवशी‎ एकमेकांना पाण्याचे फटके मारण्याची परंपरा आहे. पण यंदा बाजारात पत्र्याच्या डाेलची एेवजी प्लास्टिकची‎ डाेलची विक्रीसाठी आली आहे.तिचा प्रथमच वापर हाेणार आहे. बाजारात३० ते ५० रुपयांना प्लास्टिकची‎ डोलची विक्रीसाठी आहे. विविध आकर्षक रंगात ही डोलची उपलब्ध असल्याने तिला चांगली मागणी‎ असल्याचे फुलवाला चाैकातील विक्रेते अनिल वाणी यांनी सांगितले.‎

होळीसाठी गोवऱ्यांचा वापर‎
हाेळी पर्यावरणपूरक व्हावी या उद्देशाने‎ श्री लालबाग भाेले गाै सेवा धामतर्फे‎ गोवऱ्यांची अल्पदरात विक्री केली जात‎ आहे.दहा गोवऱ्या वीस रुपयांना विक्री‎ केल्या जात असून गोवऱ्यांना चांगली‎ मागणी असल्याची माहिती गाे-सेवक‎ गाेपाल बालमुकुंद शर्मा यांनी दिली.‎ काही संस्थांनी कचऱ्यापासून पर्यावरण‎ पूरक होेळी करण्याचे यंदाही नियोजन‎ केले आहे.‎