मार्गदर्शन‎:ऑनलाइन कॉर्पोरेट लीपमध्ये केले‎ तंत्रज्ञानासह व्यवसायावर मार्गदर्शन‎

येथील एसव्हीकेएम संस्था संचलित‎ एनएमआयएमएस स्कूल ऑफ‎ कॉमर्सतर्फे ऑनलाइन कॉर्पोरेट लीप‎ कार्यक्रम झाला. या उपक्रमांतर्गत‎ अत्याधुनिक तंत्रज्ञानासह‎ व्यवसायावर मार्गदर्शन करण्यात‎ आले.‎ लहान शहरातील नागरिकांना‎ नवनवीन अभ्यासक्रम व आधुनिक‎ तंत्रज्ञानाची माहिती व्हावी या‎ उद्देशाने हा उपक्रम राबवण्यात‎ आला. हा उपक्रम २० सप्टेंबर ते २‎ ऑक्टोबर या कालावधीत झाला.‎ कार्यक्रमात मुंबई येथील वेस्टर्न‎ इंडियन रिजनल कौन्सिल ऑफ‎ आयसीएआय (इन्स्टिट्यूट ऑफ‎ चार्टर्ड अकाउंटंट ऑफ इंडिया) या‎ संस्थेतील मान्यवरांचे एकूण ३६‎ तासाचे व्याख्यान प्रत्येक शनिवारी‎ व रविवारी झाले.

या कार्यक्रमात‎ इंदूर, नाशिक, औरंगाबाद, धुळे‎ परिसरातील ४७ जणांनी सहभाग‎ नोंदवला. मुंबई येथील सीए अजय‎ दवे यांनी एक्सेल, सीए अमित‎ वैशंपायन यांनी टॅली, सीए भावीन‎ पारेख यांनी जीएसटी, सीए दर्शन‎ ठक्कर यांनी ई फाईलींग, सीए विष्णू‎ गावकरी यांनी टीडीएस व स्कूल‎ ऑफ कॉमर्सचे प्रभारी असोसिएट‎ डीन सीए कुणाल पसारी यांनी‎ लीडरशिप व बिझिनेस‎ कम्युनिकेशन याविषयावर मार्गदर्शन‎ केले. या उपक्रमात सहभागी‎ सदस्यांना प्रमाणपत्र देऊन‎ गौरवण्यात आले.

या उपक्रमाचे‎ नियोजन स्कूल ऑफ कॉमर्सचे‎ प्रभारी असोसिएट डीन सीए कुणाल‎ पसारी यांच्या मार्गदर्शनाखाली‎ कार्यक्रम समन्वयक प्रा. डॉ. आस्था‎ शर्मा, प्रा. राजेंद्र अग्रवाल, सीए पूजा‎ सदाने, प्रा. अनघा तायडे, प्रा. नेहा‎ तनेजा यांनी केले. कार्यक्रमाच्या‎ यशस्वितेसाठी प्रशासकीय‎ अधिकारी नितीन चव्हाण, दिनेश‎ देशमुख, पायल जैन, नीलेश‎ पारकर, नंदकिशोर गोसावी यांनी‎ प्रयत्न केले. महाविद्यालयात‎ विद्यार्थ्यांच्या विकासासाठी विविध‎ उपक्रम राबवण्यात येतात.‎ ‎