गुन्हा दाखल:वाहनात अवैध गॅस भरला,‎ दोघांवर केली कारवाई‎

शहरातील रामसिंग नगरकडे‎ जाणाऱ्या रस्त्याजवळील हॉटेल‎ समोरील परिसरात खासगी‎ वाहनांमध्ये गॅस सिलिंडर मधून‎ अवैधरीत्या गॅस भरताना दोन‎ जणांविरुद्ध शिरपूर पोलिसांनी‎ कारवाई केली आहे.‎ शिरपूर पोलिस निरीक्षक ए. एस.‎ आगरकर यांना गुप्त माहिती‎ मिळाल्यावर तहसील‎ कार्यालयातील पुरवठा निरीक्षण‎ अधिकारी प्राजक्ता सोमलकर,‎ पोउनि संदीप मुरकुटे व शोध‎ पथकाचे अंमलदारांनी खात्री केली.‎

की दि. ३ रोजी शहरातील रामसिंग‎ नगरकडे जाणाऱ्या रस्त्यालगत‎ हॉटेल समोरील रस्त्याच्या पलीकडे‎ पूर्वेस श्रीकृष्ण सर्व्हिस सेंटर नावाने‎ गाळा असलेल्या खोलीमागील‎ जागेत व साई डिजिटल समर्थ‎ ऑइल नावाचे पत्री दुकान येथे‎ गणेश मोहन माळी (वय २४) व‎ दिनेश राजेंद्र माळी (वय ३१ दोन्ही‎ रा. वरवाडे शिरपूर) असे‎ गैरकायदेशीर रीत्या घरगुती वापराचे‎ गॅस सिलिंडर मधील गॅस इलेक्ट्रिक‎ मोटारीचे सहाय्याने वाहनांमध्ये‎ भरण्यासाठी वापर करीत असताना‎ मिळून आलेल्या संशयितांना‎ ताब्यात घेऊन त्यांच्याविरुद्ध पोकों‎ गोविंद सुरेश कोळी यांनी दिलेल्या‎ तक्रारीवरून गुन्हा दाखल केला.‎