‎दिव्य मराठी विशेष:अर्थेतील केळी इराणच्या बाजारात निर्यात‎

‎कृषी क्षेत्राकडे सगळ्यांचे दुर्लक्ष‎ होत असताना उच्चशिक्षित युवक‎ मात्र शेतीत वेगवेगळे प्रयोग‎ करताना दिसत आहेत. असाच‎ प्रयोग शिरपूर तालुक्यातील अर्थे‎ खुर्द येथील युवा शेतकरी‎ सत्यपाल गुजर यांनी केला आहे.‎ त्यानी केळी पिकवून ती इराणच्या‎ बाजारात पोहाेचवली आहे.‎ सत्यपाल गुजर हे महाराष्ट्र राज्य‎ परिवहन महामंडळात नोकरीला‎ आहे. ते नोकरी सांभाळून गावी‎ वडिलोपार्जित शेतीत आधुनिक‎ पद्धतीने प्रयोग करून युवकांपुढे‎ आदर्श निर्माण केला आहे.

त्यांनी‎ एप्रिल महिन्यात केळी लागवड‎ केल्यापासून केळी व्यवस्थापन‎ करून अवघ्या नवव्या महिन्यांत‎ आपल्या शेतातील केळी परिपक्व‎ करून केळीला आखाती‎ देशांमध्ये म्हणजे इराण मध्ये‎ निर्यात करून एक प्रकारे देशाला‎ परकीय चलन प्राप्त करून दिले‎ आहे. एप्रिल २०२२ मध्ये अजित‎ सीडचे केळीचे रोपे लागवड‎ केली. याकामी वितरण‎ व्यवस्थापक गुणवंत मोरे आणिसंचालक बलराम राजपूत ‎व्यवस्थापकीय संचालक नीलेश ‎राजपूत यांच्यावतीने सदर केळी‎ पीक इराण येथे निर्यात केली आहे. ‎ ‎ त्यांना हेमंत चौधरी यांचे कृषी ‎व्यवस्थापन संदर्भात विशेष‎ मार्गदर्शन लाभले.‎

सेंद्रिय खतावरती प्राधान्य
केळी उती संवर्धित रोप लागवड केल्यापासून‎ व्यवस्थापन केल्यास व वातावरणांनुसार‎ रासायनिक वेगवेगळ्या कीटकनाशकांचा वापर‎ करण्यापेक्षा सेंद्रिय खतावरती प्राधान्य दिले व‎ जैविक फवारणी करून केळी पिकाची काळजी‎ घेतल्यास, घडाला व्यवस्थित झाकून दिल्यास‎ निर्यातक्षम केळी उत्पादन करता येते असा‎ विश्वास मला निर्माण झाला. आधुनिक पद्धतीने‎ शेती करावी याच्या आदर्श आजोबा कै. फकिरा‎ गुजर यांच्या पासून मिळाला.ते गावात केळी‎ उत्पादनात तालुक्यात अग्रेसर होते. कृषीदृष्टी‎ डोळ्यासमोर ठेवून केळी विदेशात जावी‎ यासाठी नियोजन केले. युवकांनी शिक्षण घेऊन‎ आपले ज्ञान कृषी क्षेत्रात वापरावे व कृषी‎ व्यवस्थेला ऊर्जितावस्था प्राप्त करून द्यावी.‎ - सत्यपाल गुजर, युवा शेतकरी अर्थे खुर्द‎

३०३१ रुपये क्विंटल दराने निर्यात
सध्या दोन एकर केळी लागवड करून पहिल्याच खेपेत १२ ‎ टन केळी इराण येथे निर्यात केली आहे. या वेळी ‎ आतापर्यंतच्या सर्वोत्कृष्ट भाव केळी पिकाला मिळाला ‎ असून ३०३१ रुपये क्विंटल दराने केळी निर्यात केलेली आहे. ‎ निर्यात क्षम केळी आपल्या गावातून निर्यात होऊ शकते हे ‎ युवा शेतकऱ्यांनी सिद्ध केले आहे. ‎