मार्गदर्शन:नाईक महाविद्यालयामध्ये गीतांतून‎ पटवून दिले विज्ञान दिनाचे महत्व‎

येथील वसंतराव नाईक वरीष्ठ‎ महाविद्यालयातील पदार्थविज्ञान‎ विभागातर्फे //"राष्ट्रीय विज्ञान दिवस’‎ साजरा करण्यात आला. या वेळी‎ प्राणिशास्त्र विभाग प्रमुख व बोर्ड‎ ऑफ स्टडीजचे सदस्य प्रा. डॉ.‎ आर. डी. पाटील उपस्थित होते.‎ प्रथम भौतिकशास्त्रातील नोबेल‎ पारितोषिक विजेते भारतीय शास्त्रज्ञ‎ भारतरत्‍न डॉ. सी. व्ही. रमण यांच्या‎ प्रतिमेचे पूजन करण्यात आले. या‎ वेळी पदार्थविज्ञान विभागप्रमुख प्रा.‎ डॉ. बी. वाय. बागुल यांनी बोलताना‎ डॉ. सी. व्ही. रमण यांच्या रमण‎ इफेक्ट्सचे महत्व तसेच मानवतेला‎ भेडसावणाऱ्या जागतिक‎ आव्हानांना तोंड देण्यासाठी‎ वैज्ञानिक सहकार्य आणि‎ संशोधनाचे महत्व म्हणून विज्ञान‎ दिन का साजरा केला जातो.‎

विज्ञानाचे आजच्या जीवनात किती‎ महत्व आहे, हे स्पष्ट केले. जगात‎ चमत्कार होत नसतात. ज्या काही‎ घटना घडतात त्यामागे केवळ हात‎ चलाखी किंवा विज्ञान असते, असे‎ सांगून डोळे उघडून बघा गड्यांनो हे‎ विज्ञान गीत प्रा. बागुल यांनी सादर‎ केले. प्रा.डॉ. आर. डी. पाटील यांनी‎ मार्गदर्शन करताना ज्ञान, विज्ञान,‎ तंत्रज्ञान आणि अनुसंधान यांची‎ सांगड घालून विद्यार्थांमध्ये‎ वैज्ञानिक दृष्टीकोन रुजवला‎ पाहिजे, असे सांगितले. या प्रसंगी‎ मनीषा मराठे, नुर फातिमा तेली,‎ अफिया पिंजारी, फिरदोस शब्बीर‎ पिंजारी, भूमिका पाटील, श्रुती‎ सोनवणे, माधुरी पाटील, अर्सिन‎ काद्री या विद्यार्थीनींनी विज्ञान गीते‎ सादर केली. कार्यक्रमाला प्रथम व‎ द्वितीय वर्ष भौतिकशास्त्रातील‎ विद्यार्थी उपस्थित होते. सातपुडा‎ शिक्षण संस्थेचे सचिव प्रा. संजय‎ जाधव, वर्षा जाधव, प्राचार्य डॉ.‎ अशोक पाटील, समन्वयक संजय‎ राजपूत यांनी उपक्रमाचे कौतुक‎ केले.‎