अमृत‎ भारत स्टेशन याेजनेत समावेश:धुळे स्टेशनचा अमृत योजनेत समावेश‎; खासदार डॉ. सुभाष भामरे यांची माहिती

धुळे रेल्वे स्टेशनचा अमृत‎ भारत स्टेशन याेजनेत समावेश‎ झाला आहे. या याेजनेतून‎ देशातील तीनशे रेल्वे स्टेशनचे‎ आधुनिकीकरण होईल अशी‎ माहिती खासदार डाॅ. सुभाष‎ भामरे दिली.‎ खासदार डाॅ. सुभाष भामरे‎ यांनी सांगितले की, केंद्रीय‎ अर्थसंकल्प नुकताच सादर‎ झाला. त्यात रेल्वे‎ मंत्रालयासाठी २ लाख ४०‎ हजार काेटींची तरतूद आहे.‎ महाराष्ट्रासाठी १ हजार ३००‎ काेटीचे प्रकल्प मंजूर करण्यात‎ आले आहे.

त्याबचरोबर‎ मनमाड-इंदूर रेल्वे मार्गाच्या पहिल्या‎ टप्प्यात बाेरविहीर ते नरडाणा मार्गाचे‎ काम हाती घेण्यात आले आहे.‎ त्यासाठी भूसंपादनाची प्रक्रिया सुरू‎ आहे. भूसंपादनासह रेल्वे मार्ग‎ टाकण्यासाठी निधीची अावश्यकता‎ आहे. निधी केंद्राकडून मिळवण्याचा‎ प्रयत्न आहे.रेल्वे मंत्री अश्विनी वैष्णव‎ यांची भेट घेत नरडाणा रेल्वे‎ मार्गासाठी भरीव तरतूद करावी, अशी‎ मागणी केली होती.

रेल्वे मार्गासाठी‎ जमिन संपादनाची प्रक्रिया अंतिम‎ टप्प्यात आहे. त्यानंतर रेल्वे रूळ‎ टाकण्याचे काम हाती घेतले जाणार‎ आहे. तसेच केंद्र सरकारच्या अमृत‎ भारत स्टेशन योजनेत धुळे रेल्वे‎ स्टेशनचा समावेश झाला आहे.‎ देशाच्या अमृत महाेत्सवानिमित्त ही‎ याेजना राबवण्यात येते आहे. योजनेत‎ देशातील ३०० रेल्वे स्टेशनचा समावेश‎ आहे. त्यामुळे आगामी काळात धुळे‎ रेल्वे स्टेशनचे अत्याधुनिक होईल.‎ स्टेशनमध्ये प्रवाशांसाठी विविध सोयी‎ सुविधा केल्या जातील, असेही‎ खासदार डॉ. सुभाष भामरे यांनी स्पष्ट‎ केले आहे.‎