मार्गदर्शन‎:मैत्री, प्रेम अन् आकर्षणातील‎ फरक ओळखणे आवश्यक‎

तारुण्य हे स्वप्नांच्या शिलेदारांचा एक‎ धुंद आविष्कार असतो. तारुण्यात‎ प्रत्येकाने सजग राहाणे आवश्यक आहे. ‎ ‎ तसेच मैत्री, प्रेम व आकर्षण यातील‎ फरक ओळखता आला पाहिजे, असे ‎ ‎ प्रतिपादन प्रा. वैशाली पाटील यांनी केले.‎ एकात्मिक आदिवासी विकास ‎प्रकल्पांतर्गत आदिवासी मुलींच्या ‎ ‎ वसतिगृहात त्यांची प्रतिभेचे बीज‎ उमलताना या अभियानांतर्गत दिल तो‎ बच्चा है जी याविषयावर मानसशास्त्रीय ‎कार्यशाळा झाली.त्या वेळी त्या बोलत ‎होत्या.

आदिवासी विकास विभागाच्या‎ प्रकल्पाधिकारी तृप्ती धोडमिसे यांच्या‎ सहकार्याने हा उपक्रम राबवण्यात आला.‎ या वेळी वसतिगृहाच्या गृहपाल अलका‎ दाभाडे, मंजुश्री जाधव आदी उपस्थित‎ होत्या. प्रा. वैशाली पाटील म्हणाल्या की,‎ मैत्रीत दोन विचार व दोन संस्कार एकत्र‎ येत जीवनाला आकार देतात. जशी‎ संगत असे तशीच गती आणि तशीच‎ मती होते. मैत्रीत निकोपपणा व खुलेपणा‎ असला तर संशयाला जागा राहत नाही.‎ प्रेम म्हणजे एकमेकांना सुखी पाहण्याची‎ ‎ पराकोटीची शुद्ध भावना असते. एखादी‎ गोष्ट आपल्या आयुष्यात हवीच या‎ अट्टाहासाने आपण अनेक दुःखांना‎ आमंत्रण देतो.

जे प्रेम बाह्य सौंदर्यावर‎ भाळून होते त्यात मनाची कवाडे‎ उघडण्याचे सामर्थ्य नसते ते फक्त‎ आकर्षण असत. हे आकर्षण तितक्याच‎ वेगाने संपत. मानसशास्त्रानुसार खरं प्रेम‎ हे वयाच्या २५ किंवा २६ व्या वर्षी होऊ‎ शकत. प्रेम हे नेहमी एखाद्याच्या‎ सहवासात चार ते पाच वर्षे राहण्याने,‎ बौद्धिक किंवा शाब्दिक चर्चेतून,‎ विचारातून, एकमेकांच्या आवडी‎ निवडीतून, सहजतेतून निर्माण होते. जी‎ व्यक्ती तुमच्यावर प्रेम करते.

ती तुमच्या‎ आई-वडिलांचा, तुमच्या करिअरचा,‎ बदनामीचा विचार करते. तुमच्या‎ इच्छेपलीकडे ती कधीच तुम्हाला स्पर्श‎ करत नाही. कुठल्याही गोष्टीचा अतिरेक‎ करत नाही. प्रत्येक गोष्टीची वेळ असते.‎ त्या वयात त्या गोष्टी झाल्या तरच‎ आयुष्य सार्थकी लागते असेही त्यांनी‎ स्पष्ट केले. कार्यशाळेत २६९ मुलींनी‎ सहभाग नोंदवला.‎