दिव्य मराठी विशेष:खाशाबा जाधव कुस्ती स्पर्धा लोगोचे अनावरण‎

क्रीडा व युवक सेवा संचालनालय,‎ पुणे व महाराष्ट्र राज्य कुस्तीगीर‎ परिषद यांच्या संयुक्त विद्यमाने‎ शहरात २१ ते २५ फेब्रुवारी दरम्यान‎ खाशाबा जाधव चषक कुस्ती‎ स्पर्धेचे आयोजन करण्यात आले‎ आहे. स्पर्धेचे काटेकोर नियोजन‎ करण्याची सूचना पालकमंत्री गिरीश‎ महाजन यांनी दिल्या. तसेच या वेळी‎ पालकमंत्र्यांच्या हस्ते स्पर्धेच्या‎ लोगोचे उद्घाटन करण्यात आले.‎ गरुड मैदानावर २१ ते २५ फेब्रुवारी‎ दरम्यान होणाऱ्या खाशाबा जाधव‎ चषक कुस्ती स्पर्धा आयोजन‎ समितीची बैठक पालकमंत्री महाजन‎ यांच्या अध्यक्षतेखाली‎ जिल्हाधिकारी कार्यालयात झाली.‎

या वेळी खासदार डॉ. सुभाष भामरे,‎ माजी आमदार राजवर्धन कदमबांडे,‎ जिल्हाधिकारी जलज शर्मा,‎ महापालिका आयुक्त देविदास‎ टेकाळे, अपर जिल्हाधिकारी देवदत्त‎ केकाण, कोल्हापूर विभागाचे क्रीडा‎ उपसंचालक संजय सबनीस,‎ नाशिक विभागाच्या क्रीडा‎ उपसंचालक सुनंदा पाटील, निवासी‎ उपजिल्हाधिकारी संजय‎ गायकवाड, जिल्हा क्रीडा अधिकारी‎ आसाराम जाधव, शिक्षणाधिकारी‎ मोहन देसले, अनुप अग्रवाल, उमेश‎ चौधरी, सुनील चौधरी, कमलाकर‎ अहिरराव, राष्ट्रीय खेळाडू महेश‎ बोरसे आदी उपस्थित होते.

या वेळी‎ पालकमंत्री महाजन पुढे म्हणाले की,‎ स्पर्धेच्या निमित्ताने जिल्हावासीयांना‎ एक आनंदाची पर्वणी लाभणार‎ आहे. या स्पर्धेसाठी आवश्यक‎ असलेल्या सर्व समित्या तातडीने‎ गठीत करून कामांचे वाटप‎ करण्याच्या सूचना केल्या. या स्पर्धा‎ तीन पोडियममध्ये मॅटवर होणार‎ आहेत. या स्पर्धेत ३१ लाख २०‎ हजार रुपयांची रोख बक्षिसे देण्यात‎ येणार आहेत. प्रेक्षकांसाठी गरुड‎ मैदानावर प्रेक्षक गॅलरी उभारण्यात‎ येणार असल्याचे क्रीडा‎ उपसंचालक सुनंदा पाटील यांनी‎ दिली. स्पर्धेच्या आयोजनासाठी‎ महानगरपालिका, जिल्हा तालीम‎ संघ तसेच स्थानिक पदाधिकारी व‎ लोकप्रतिनिधी यांचेही सहकार्य‎ लाभणार आहे.‎

१० वजनगटात ३० संघ सहभागी होणार‎
स्पर्धा फ्री स्टाइल, ग्रीको रोमन व मुलींचा संघ अशा प्रत्येकी दहा वजनगटात‎ तीस संघ सहभागी होणार आहे. प्रत्येक संघात ७ खेळाडू, १ क्रीडा मार्गदर्शक‎ व १ व्यवस्थापक असा एकूण ९ जणांचा समावेश राहील. या स्पर्धेत ३६०‎ वरिष्ठ कुस्तीगीर, १०० पंच व पदाधिकारी तसेच ५० स्वयंसेवक व समिती‎ सदस्य असे एकूण ६५० जण सहभागी होणार आहेत.‎