लाईनमन‎ दिवस साजरा:महावितरणतर्फे कृतज्ञता व्यक्त‎ करण्यासाठी लाइनमन यांचा सत्कार‎

देशभरातील लाईनमनबद्दल कृतज्ञता‎ व्यक्त करण्यासाठी केंद्र शासनाने ४‎ मार्च रोजी देशभरात लाईनमन‎ दिवस साजरा करण्याचा निर्णय‎ घेतला आहे. त्या निमित्त शहादा‎ विभागातील प्रकाशा, तळोदा,‎ अक्कलकुवा, सारंगखेडा,‎ म्हसावद, मंदाणा, परिवर्धा, धडगाव‎ आदींसह महावितरणमध्ये सर्वत्र‎ लाईनमन दिवस साजरा करण्यात‎ आला.‎ उपकार्यकारी अभियंता भूषण‎ जगताप, तिरुपती पाटील, सुजित‎ पाटील, सचिन पावरा, अमोल मोरे,‎ जगदीश पावरा, विनोद भदाणे,‎ तनजिम शेख, विलास गुरव आदी‎ अधिकाऱ्यांनी आपल्या विभागातील‎ लाईनमन व कर्मचारी यांचा सत्कार‎ केला.

जनमित्र म्हणजेच लाईनमन‎ हा महावितरणच्या व्यवस्थेमधील‎ अत्यंत महत्त्वाचा घटक आहे.‎ महावितरणचे जनमित्र ऊन, वारा,‎ पाऊस तसेच इतरही अत्यंत खडतर‎ परिस्थितीत ग्राहकांना सुरळीत‎ वीजपुरवठ्यासाठी ते चोवीस तास‎ सेवा देतात. त्यांच्या या कामाप्रती‎ कृतज्ञता व्यक्त करण्यासाठी या‎ दिवसाचे आयोजन करण्यात आले‎ होते. जंगलात हिंस्त्र प्राण्याच्या‎ सान्निध्यात रात्री अपरात्री‎ वीजपुरवठा सुरळीत केला जातो.‎

भर उन्हात दुपारी १२ ची वेळ किंवा‎ संध्याकाळ, रात्र केव्हाही‎ वीजपुरवठा खंडित झाल्याची तक्रार‎ आल्यास ती सोडवण्यासाठी‎ लाईनमन आपली, कवच कुंडले,‎ रबराचे हातमोजे, डिस्चार्ज रॉड,‎ हारनेस, झुला घेवून विजेच्या‎ खांबावर व रोहित्रांवर उन्हाच्या‎ चटक्याची पर्वा न करता, मार्च,‎ एप्रिलमध्ये काम करत असतो, असे‎ साहय्यक अभियंता जगदिश पावरा‎ यांनी सांगितले.‎