आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

संपाचा फटका:फिडरवर वारंवार बिघाडामुळे एमआयडीसीचा‎ वीजपुरवठा दोन तास ठप्प; उद्योजकांना ताप‎

धुळेएका महिन्यापूर्वी
  • कॉपी लिंक

‎विज वितरण कंपनीच्या अधिकारी‎ व कामगारांनी मंगळवारी मध्यरात्री‎ संप सुरू केला. सबस्टेशन,‎ फिडरवर काम करणारी यंत्रणा‎ देखील संपात सहभागी झाल्यामुळे‎ विजपुरवठात येणाऱ्या अडचणींच्या‎ निराकरण करण्यास कोणीच‎ उपलब्ध नव्हते.‎ सकाळी संपाची धग अधिकच‎ तिव्र झाली. वीज कंपनीने केलेली‎ पर्यायी व्यवस्था देखील फारसी‎ लाभदायक नसल्याने वीज‎ पुरवठ्याच्या अडचणींच्या तक्रारी‎ प्रचंड वाढल्या. शहरातील‎ औद्योगिक वसाहतीत असलेल्या‎ सबस्टेशन अंतर्गत फिडरवर वारंवार‎ ब्रेक डाऊनच्या तक्रारी राहिल्या.

‎ सकाळी ११ ते दुपारी १ दरम्यान संपूर्ण‎ एमआयडीसीचा वीजपुरवठा‎ खंडित राहिला. दरम्यान सायंकाळी‎ कामगारांनी संप मागे घेतल्यानंतर‎ दुरुस्तीचे कामे प्राधान्याने हाती‎ घेण्यात आली. महावितरण‎ कंपनीचे खासगीकरण होत‎ असल्याचा आरोप करीत वीज‎ कामगार संघटनांनी मंगळवारी‎ मध्यरात्रीपासून संप पुकारला. या‎ संपात धुळे जिल्ह्यातील एक हजार‎ ४४ अधिकारी, कर्मचारी सहभागी‎ झाले. सकाळच्या सत्रातील ६३६‎ पैकी ५९६ अधिकारी व कर्मचारी‎ सहभागी झाले होते. त्यात अभियंता,‎ उपअभियंता, तंत्रज्ञान, लाईनमन‎ अशा सर्वच घटकांचा समावेश‎ राहिला. सर्व कामगारांनी अधीक्षक‎ अभियंता कार्यालयाच्या लगत एकत्र‎ येत जोरदार निदर्शने केली. या‎ शिवाय शहरातील सबस्टेशनच्या‎ कार्यालयाच्या बाहेर देखील तेथील‎ अधिकारी व कर्मचाऱ्यांनी निदर्शने‎ केली.

तसेच आपल्या मागण्यांकडे‎ लक्ष वेधून घेतले. या आंदोलनात‎ सहभागी होण्यासाठी कार्यक्षेत्रातून‎ आंदोलनस्थळी धाव घेतल्याने सर्व‎ फिडर, पॉवर स्टेशन, सबस्टेशन‎ येथील कार्यान्वयन आहे त्या‎ स्थितीत राहिली. सकाळ नंतरच‎ विजेच्या ब्रेक डाऊनच्या तक्रारी‎ सुरू झाल्या. वीज वितरण कंपनीने‎ तक्रारीच्या निराकरणासाठी पर्यायी‎ व्यवस्था केलेली होती. मात्र‎ सबस्टेशनच्या तांत्रीक अडचणी‎ पर्यायी कर्मचाऱ्यांना समजत‎ नसल्यामुळे समस्यांचे निराकरण‎ होऊ शकले नाही. तर एमआयडीसी‎ परिसरातील बसस्टेशनवर लोडमुळे‎ सकाळ पासूनच ब्रेक डाऊनच्या‎ तक्रारी वाढल्या.‎

पोलिस बंदाेबस्तात‎ फिडर आणि सबस्टेशन‎
विज कंपनीचे सर्व अधिकारी व‎ कामगार संपात सहभागी झाल्यामुळे‎ वीज वितरण कंपनीच्या सर्व‎ मालमत्ता सकाळीच ओस पडल्या‎ होत्या. संपाच्या दरम्यान कोणताच‎ गैरप्रकार होऊ नये या उद्देशाने सर्व‎ ठिकाणी पोलिस बंदोबस्त ठेवण्यात‎ आला. होता.‎

पर्यायी यंत्रणा कुचकामी
‎संप कालावधीत पर्यायी व्यवस्था‎ केली होती. मात्र ही यंत्रणा अत्यंत‎ कुचकामी ठरली. सार्वजनिक‎ बांधकाम विभाग, महापालिका‎ आणि इतर विभाग तसेच खासगी‎ ठेकेदारांच्या मनुष्यबळाला‎ सबस्टेशन वरील तांत्रिक माहिती‎ नसल्यामुळे तक्रारी आल्यानंतर‎ देखील कामे झाली नाहीत.‎

संप मिटल्यानंतर‎ सायंकाळी कामावर‎
विज कामगारांनी सुरू केलेला संप‎ सायंकाळी ४ वाजेला‎ राज्यस्तरावरील बैठकीनंतर मिटला.‎ संप मिटल्यानंतर तातडीने कामगार‎ आंदोलन स्थळावरुनच त्यांच्या‎ कर्तव्यावर हजर होण्यासाठी रवाना‎ झाले. पहिल्या प्राधान्याने खंडीत‎ वीजपुर‌ठा दुरुस्तीला प्राधान्य दिले.‎

दुपारी ११ ते १ दरम्यान पुरवठा खंडित‎
सकाळीच एमआयडीसीतील वॉटर फिडर, निर्मल फिडर, पॉवर‎ फिडर, सुनवकार फिडरवरील पुरवठा बंद पडला. उद्योजकांच्या‎ तक्रारी नंतर अधीक्षक अभियंता म्हस्के घटनास्थळी दाखल झाले.‎ त्यानंतर खासगी कामगारांच्या मदतीने काही अडचणींचा निपटारा‎ करण्यात आला. दरम्यान दुपारी ११ ते १ दरम्यान संपूर्ण एमआयडीसी‎ परिसरात वीज पुरवठा खंडीत होता. दिवसभर एमआयडीसी‎ सबस्टेशनवर सातत्याने ब्रेक डाऊनच्या घटना घडत राहिल्या. तर‎ शहरात बुधवारी दिवसभरात फारशा अडचणी आल्या नाहीत.‎

बातम्या आणखी आहेत...