आत्महत्या:अल्पवयीन मुलीची विष घेत आत्महत्या

शहरापासून जवळ असलेल्या फागणे गावात विष प्राशन केलेल्या अल्पवयीन मुलीचा शनिवारी मृत्यू झाला. याबाबत धुळे तालुका पोलिस ठाण्यात नोंद झाली आहे. फागणे गावातील १६ वर्षांच्या किरण शालिग्राम पाटीलने विषारी औषध सेवन केले होते.

तीन दिवसांपूर्वी ही घटना घडली होती. त्यानंतर या युवतीला हिरे रुग्णालयात दाखल करण्यात आले होते. उपचार सुरू असताना शनिवारी तिचा मृत्यू झाला. प्रवीण नाना पाटील यांच्या माहितीवरून धुळे तालुका पाेलिस ठाण्यात याबाबत अकस्मात मृत्यूची नोंद झाली आहे. तिच्या आत्महत्येचे कारण मात्र स्पष्ट झाले नाही.