मार्गदर्शन:मराठी, हिंदीसह इंग्रजी शिकणे गरज‎

मानवी जीवनात मातृभाषेला अनन्य‎ साधारण महत्त्व आहे. महाराष्ट्राची‎ मातृभाषा मराठी असून याच भाषेतून‎ प्राथमिक शिक्षण मिळाले पाहिजे.‎ पण इंग्रजी भाषेशी भांडण नसावे.‎ कारण मराठी जीवन जगण्याची,‎ इंग्रजी जागतिक व्यवहाराची तर‎ हिंदी राष्ट्रभाषा आहे. त्यामुळे‎ मराठी-हिंदी सोबतच इंग्रजी भाषा‎ शिकणे आवश्यक असल्याचे‎ प्रतिपादन जयहिंद‎ महाविद्यालयातील निवृत्त प्रा. डॉ.‎ शोभा शिंदे यांनी केले.‎ इतिहासाचार्य वि. का. राजवाडे‎ संशोधन मंडळाच्या ग्रंथालय‎ विभागातर्फे मराठी राजभाषा‎‎‎‎‎‎‎‎‎‎‎‎ दिनानिमित्त कार्यक्रम झाला.

त्या‎ वेळी त्या बोलत होत्या. डॉ. एन. के.‎ वाणी अध्यक्षस्थानी होते. या वेळी‎ राजवाडे ग्रंथालयाच्या चिटणीस‎ जयश्री शहा, मंडळाचे संशोधन‎ अधिकारी प्रा. पी. बी. गायकवाड,‎ क्युरेटर श्रीपाद नांदेडकर आदी‎‎‎‎‎‎‎‎‎‎‎‎ उपस्थित होते. प्रा. डॉ. शोभा शिंदे‎ म्हणाल्या की, मराठी भाषेचा उगम‎ विषय विहंगम आहे.‎ चौथ्या-पाचव्या शतकापासून मराठी‎ भाषेचा विकास झाला आहे. त्या‎ काळी ही भाषा लिखित नसली तरी‎ ताम्रपत्र, शिलालेख स्वरूपात‎ मराठीचे अस्तित्व आढळते.‎ छत्रपती शिवाजी महाराज यांनी‎ हिंदवी स्वराज्याची स्थापना करताना‎ मराठीचा गौरव केला. संत‎ ज्ञानेश्वरांनी श्रीमद्भगवतगीता‎ सामान्यांपर्यंत पोहाेचवण्यासाठी‎ मराठी भाषेचा वापर केला. मराठी‎ भाषेच्या विकासासाठी सर्वांनी पुढे‎ यावे, असेही त्या म्हणाल्या. या वेळी‎ पिंपळनेरचे प्रशांत कोतकर यांनी‎ मनोगत व्यक्त केले. सहायक‎ ग्रंथपाल रेणुका शिंदे यांनी‎ सूत्रसंचालन केले. प्रकाश‎ कुलकर्णी, वैशाली कुलकर्णी,‎ राजश्री भडांगे, सोनाली वाघ, भूषण‎ बर्गे, राधेश्याम वर्मा, गुलाब भील,‎ दुर्गेश जोशी, परेश चंद्रात्रे आदींनी‎ संयोजन केले.‎