स्थापना दिन:भाजपच्या स्थापना दिनानिमित्त निजामपूरला भारत मातेचे पूजन, ज्येष्ठ पदाधिकाऱ्यांचा करण्यात आला सत्कार

भारतीय जनता पक्षाच्या येथील शाखेतर्फे पक्षाच्या स्थापनेनिमित्त विविध कार्यक्रम झाले. या वेळी भारतमातेचे पूजन करण्यात आले. तसेच पक्षातील ज्येष्ठ कार्यकर्त्यांचा सत्कार करण्यात आला.

लाडशाखीय वाणी समाज मंगल कार्यालयात हा कार्यक्रम झाला. अध्यक्षस्थानी ज्येष्ठ सामाजिक कार्यकर्ते भालचंद्र येवले होते. ज्येष्ठ मार्गदर्शक सुहासभाई शाह, रमेश वाणी, जगदीशचंद्र शाह, भाजपचे जिल्हा कार्यकारिणी सदस्य तथा माजी सरपंच अजितचंद्र शाह, पंचायत समिती सदस्य सतीश वाणी, भाजपचे निजामपूर शहराध्यक्ष तथा उपसरपंच महेंद्र वाणी, जिल्हा परिषद माजी सदस्या उषाबाई ठाकरे, भाजप महिला मोर्चाच्या साक्री मंडळाध्यक्षा दीपाली जगदाळे, जितेंद्र भील आदी उपस्थित होते. मान्यवरांच्या हस्ते भारत मातेच्या प्रतिमेला पुष्पहार अर्पण करण्यात आला. ध्वजारोहणही करण्यात आले. या वेळी भाजपच्या ज्येष्ठ नेत्यांसह भाजपचे तालुका व जिल्हा पदाधिकारी, पंचायत समिती सदस्य, माजी सैनिक संदीप पवार यांचाही सत्कार करण्यात आला. विठ्ठल जाधव, उद्योजक भिकनलाल जयस्वाल, मर्चंट बँकेचे निजामपूर शाखाध्यक्ष राजेंद्रभाई शाह, कोठावदे आदी उपस्थित होते. पंचायत समितीचे माजी सदस्य वासुदेव बदामे, माजी सैनिक संदीप पवार, माजी जिल्हा परिषद सदस्या उषाबाई ठाकरे आदींनी मनोगत व्यक्त केले. भाजप महिला आघाडीच्या साक्री मंडळाध्यक्षा दीपाली जगदाळे यांनी भाजप व पंतप्रधान मोदींवर स्वरचित गीत सादर केले. भाजप कार्यकर्ते त्रिलोक दवे, भय्या गुरव, भाजप युवा मोर्चाचे तालुका उपाध्यक्ष मुकेश पाटील, तेजस जयस्वाल आदींनी कार्यक्रमाच्या यशस्वितेसाठी विशेष प्रयत्न केले. प्रा.भगवान जगदाळे यांनी सूत्रसंचालन केले. दरम्यान, भारतीय जनता पक्षाच्या स्थापनानिमित्त जिल्हाभरात विविध कार्यक्रम घेण्यात आल्याची माहिती देण्यात आली.