‘ऑपरेशन अक्षता’ या उपक्रमाचा शुभारंभ:महिला दिनानिमित्त पोलिस दलाच्या‎ वतीने महिलांची माेटारसायकल रॅली‎

जागतिक महिला दिनानिमित्त‎ नावीन्यपूर्ण संकल्पनेतून नंदुरबार‎ जिल्हा पोलिस दलातील महिला‎ पोलिस अधिकारी व अंमलदार‎ यांची मोटारसायकल रॅली‎ काढण्यात आली. पोलिस दलाच्या‎ वतीने सुरू झालेल्या ‘ऑपरेशन‎ अक्षता’ या उपक्रमाचा शुभारंभ‎ झाल्यानंतर जनमानसात बाल‎ विवाह विरोधी जनजागृती करणे हा‎ मोटारसायकल रॅली मागील मुख्य‎ उद्देश होता.‎ जिल्हा पोलिस अधीक्षक‎ पी.आर. पाटील, अपर पोलिस‎ अधीक्षक नीलेश तांबे, नंदुरबार‎ विभागाचे उपविभागीय पोलिस‎ अधिकारी सचिन हिरे यांच्यासह‎ जिल्ह्यातील इतर अधिकारी व‎‎‎‎‎‎‎‎‎‎‎‎‎‎ जिल्हा पोलिस दलातील सुमारे १५०‎ महिला पोलिस अधिकारी व महिला‎ अंमलदार हेल्मेटसह या रॅलीत‎ सहभागी झाल्या हाेत्या.‎ मोटारसायकल रॅली पाहण्यासाठी‎ शहराच्या रस्त्यावर लोकांनी प्रचंड‎ गर्दी केली होती. रॅलीला शहरातील‎‎‎‎‎‎‎‎‎‎‎‎‎‎ नागरिकांनीही तेवढ्याच उत्साहाने‎ प्रतिसाद देत मोटारसायकल रॅलीवर‎ फुलांचा वर्षाव करून महिला‎ अधिकारी, कर्मचाऱ्यांचा उत्साह‎ वाढवला. पोलिस अधीक्षक‎ पाटील, लायन्स क्लबच्या डॉ.तेजल‎ चौधरी यांनी रॅलीस झेंडी दाखवली.‎