आरोग्य:सर्दी, ताप, खोकल्याचे रुग्ण वाढले‎

शहरात सर्दी, ताप, डोकेदुखी व‎ खोकल्याचे रुग्ण पूर्वीच्या तुलनेत‎ वाढले आहेत. त्यामुळे खासगी‎ दवाखान्यांमध्ये रुग्णांची गर्दी दिसून‎ येते आहे. जिल्ह्यात अद्याप एन ३‎ एन २ एन्फ्लूएंझा व्हायरसच्या एकही‎ रुग्ण आढळला नाही. पण‎ नागरिकांनी काळजी घेणे आवश्यक‎ आहे. प्रत्येकाने घराबाहेर पडताना‎ मास्क लावण्यासह गर्दीत जाणे‎ टाळावे. तसेच सॅनिटायझरने हात‎ स्वच्छ करावे, लहान मुले, वृद्ध व‎ गरोदर मातांची काळजी घेणे‎ आवश्यक असल्याचा सल्ला‎ वैद्यकीय तज्ज्ञांनी दिला आहे.‎ सततच्या बदलत्या हवामानामुळे‎ जिल्ह्यात साथीच्या आजारांना‎ पोषक वातावरण निर्माण झाल्याने‎ रुग्णांची संख्या झपाट्याने वाढते‎ आहे.

त्यात सर्दी, ताप, डोकेदुखी,‎ खोकला, उलटीचा त्रास होणाऱ्या‎ रुग्णांचे प्रमाण जास्त आहे. बहुतांश‎ घरात ही लक्षणे असणारे रुग्ण आहे.‎ जिल्ह्यातही तशीच स्थिती आहे.‎ अनेक रुग्णांना खोकला एक ते दोन‎ आठवड्यापर्यंत राहतो. दीर्घकाळ‎ सर्दी, ताप, डोकेदुखी, घसा‎ खवखवणे, शरीरात वेदना होणे,‎ थंडी वाजून येणे, थकवा जाणवणे,‎ अतिसार, उलट्या आणि धाप‎ लागणे अशी लक्षणे आढळल्यास‎ वैद्यकीय सल्ल्याने औषधोपचार‎ करावे, असा सल्ला वैद्यकीय‎ तज्ज्ञांनी दिला आहे.‎

गेल्या वर्षाच्या तुलनेत यावर्षी रुग्ण संख्या जास्त‎
वातावरण बदलाच्या दिवसांत‎ दरवर्षी सर्दी, ताप, खोकल्याचे रुग्ण‎ वाढतात. पण यावर्षी या रुग्णांची‎ संख्या जास्त आहे. एच ३ एन २‎ विषाणू कोविड इतका अपायकारक‎ नाही. चार ते पाच दिवस ताप आणि‎ सलग पंधरा दिवस खोकला ही‎ लक्षणे असल्यास औषधोपचार‎ करावे. हवेद्वारे हा विषाणू पसरत‎ नसला तरी शिंकेतून त्याचा प्रसार‎ होतो. त्यामुळे मास्क वापरणे,‎ गर्दीच्या ठिकाणी जाण्याचे टाळावे.‎ तसेच वेळेवर डॉक्टरांचा सल्ला‎ घ्यावा.‎ - डॉ. नंदकिशोर पिंपळीसकर,‎ फिजिशिअन, धुळे‎

लक्षण जाणवत असल्यास त्याकडे दुर्लक्ष नको‎
एच ३ एन २ विषाणूची लागण झालेला एकही रुग्ण जिल्ह्यात अद्याप‎ आढळलेला नाही. पण नागरिकांनी काळजी घ्यावी. मास्कचा वापर‎ करावा. हात स्वच्छ धुवावेत. तसेच लक्षणे जाणवल्यास जिल्हा रुग्णालय‎ किंवा वैद्यकीय महाविद्यालयात तपासणी करावी.‎ - डॉ.संताष नवले, जिल्हा आरोग्य अधिकारी‎