मागणी‎:शिक्षण परिषदेच्या वेळेत‎ बदल करत दिलासा द्या‎; पुरोगामी प्राथमिक शिक्षक संघटनेची मागणी‎

जिल्हा परिषद शाळांची दरमहा‎ केंद्रस्तरीय मासिक शिक्षण परिषद‎ होते. या परिषदेची वेळ सकाळी‎ साडेअकरा ते दुपारी साडेचार‎ असते. परिषदेच्या दिवशी शाळा‎ सकाळच्या सत्रात भरवावी लागते.‎ सकाळची शाळा झाल्यावर‎ शिक्षकांना शिक्षण परिषदेला हजर‎ राहावे लागते. त्यामुळे शिक्षण‎ परिषदेच्या वेळेत बदल करावा,‎ अशी मागणी पुरोगामी शिक्षक‎ संघटनेने केली आहे.‎

शिक्षण परिषदेमुळे दिवसभर‎ शिक्षकांची धावपळ होते. विशेषतः‎ महिला शिक्षिकांची गैरसाेय होते.‎ त्यामुळे याविषयी विचार करावा,‎ अशी मागणी जिल्हा शिक्षण व‎ प्रशिक्षण संस्थेच्या प्राचार्या डॉ.‎ मंजूषा क्षीरसागर यांना देण्यात‎ आलेल्या निवेदनाद्वारे करण्यात‎ आली. या वेळी प्राचार्य क्षीरसागर‎ यांनी शिक्षण परिषदेच्या वेळेत बदल‎ करण्याचे आश्वासन दिले. जिल्हा‎ शिक्षण व प्रशिक्षण संस्थेचे‎ अधिव्याख्याता प्रा. शिवाजी ठाकूर,‎ संघटनेचे जिल्हाध्यक्ष भूपेश वाघ,‎ सरचिटणीस ऋषिकेश कापडे,‎ विभागीय अध्यक्ष प्रभाकर चौधरी,‎ जिल्हा संघटक खुशाल चित्ते आदी‎ उपस्थित होते.‎