कार्यशाळा‎:जिल्हा परिषदेच्या शाळेत‎ मानसशास्त्रीय कार्यशाळा‎

‎मराठा सेवा संघ प्रणित संत गाडगे‎ महाराज प्रबोधन परिषदेतर्फे‎ क्रांतीज्योती सावित्रीबाई फुले यांच्या‎ जयंतीनिमित्त धुळे तालुक्यातील‎ लळींग दिवाणमळा येथील जिल्हा‎ परिषदेच्या शाळेत सद्गुणांचा अंकुर‎ आतून उमलताना याविषयावर‎ मानसशास्त्रीय कार्यशाळा झाली.‎ संत गाडगे महाराज प्रबोधन‎ परिषदेच्या प्रदेशाध्यक्षा प्रा. वैशाली‎ पाटील म्हणाल्या की, क्रांतीज्याेती‎ सावित्रीबाई फुले यांनी शून्यातून‎ वटवृक्ष उभा केला.

दुसऱ्या‎ व्यक्तींमधील चांगले गुण‎ शोधण्याची सवय असली पाहीजे.‎ कारण या सवयीमुळे आयुष्यातील‎ नकारात्मक व दुसऱ्याचा द्वेष‎ करण्याची भावना कमी होते.‎ माझ्यात अवगुण आहे ही भावना‎ व्यक्तीला आयुष्यात नम्र व‎ क्षमाशील राहायला शिकवते,‎ असेही त्या म्हणाल्या. या वेळी‎ विद्यार्थ्यांनी विविध वेशभूषा करून‎ गीत सादर केले.

आदर्श पालकांचा‎ प्रबोधन परिषदेतर्फे सत्कार करण्यात‎ आला. कार्यशाळेत प्रथम क्रमांक‎ समृद्धी गवळी, द्वितीय श्रद्धा‎ हिरणवळे, तृतीय सोहम गवळी‎ यांनी मिळवला. आशा पाटील यांनी‎ सूत्रसंचालन केले, शारदा पाटील,‎ यामिनी खैरनार, अर्चना पाटील,‎ शीतल पाटील, मुरलीधर शिंदे,‎ राजेंद्र भामरे, जयश्री घरटे आदी‎ उपस्थित होते. विद्यार्थ्यांचा‎ सर्वागीण विकास व्हावा या उद्देशाने‎ हा उपक्रम राबवण्यात आल्याची‎ माहिती संत गाडगे महाराज प्रबोधन‎ परिषदेतर्फे देण्यात आली.‎