दिव्य मराठी विशेष:संत तुकाराम महाराज जयंती कलाकृतीतून साजरी‎

मराठा सेवा संघ प्रणीत संत गाडगे‎ महाराज प्रबोधन परिषदेतर्फे‎ महात्माजी नगरात संत तुकाराम‎ महाराज जयंती प्रत्यक्ष कलाकृतीतून‎ साजरी करण्यात आली. यातून‎ समाजप्रबोधन करण्यात आले.‎ या वेळी प्रदेश अध्यक्षा प्रा.‎ वैशाली पाटील या तुकारामांच्या‎ भूमिकेत, तर यामिनी खैरनार संत‎ जनाबाई, शारदा पाटील संत‎ बहिणाबाईंच्या, आशा पाटील‎ कान्होपात्रा, अर्चना पाटील‎ रुख्मिणी, दीपाली बोरसे यांनी‎ विठ्ठलाच्या भूमिकेतून प्रबोधन‎ देखील केले. संत तुकाराम महाराज‎‎‎‎‎‎‎‎‎‎‎‎‎‎‎‎ जयंती निमित्ताने प्रा. वैशाली पाटील‎ यांनी अभिवाचनातून संत तुकाराम‎‎‎‎‎‎‎‎‎‎‎‎‎‎‎‎ महाराज मांडले तर इतरांनी अभिनय‎ सादर करून त्या काळातील युग‎‎‎‎‎‎‎‎‎‎‎‎‎‎‎‎ साकारले.

या वेळी प्रा. वैशाली‎ पाटील म्हणाल्या की, विठ्ठलाच्या‎ भक्तिरसात स्वतःचे जीवन अनमोल‎ बनवणारे संत तुकाराम हे वारकरी‎ संत म्हणून ओळखले जातात.‎ त्यांना वैयक्तिक व सामाजिक‎ जीवनात इतके दुःखे आले की या‎ जगात मला विठ्ठल सोडून कुणीही‎ ओळखू शकत नाही, हे त्यांना‎ जाणवायला लागले आणि‎ तुकारामांनी गीता, भागवत,‎ ज्ञानेश्वरी, एकनाथी भागवत व इतर‎ ग्रंथांचे वाचन केले. तसेच पंढरीच्या‎ विठ्ठलाचे अखंड नामस्मरण करू‎ लागल्याचे सांगितले. या वेळी प्रभात‎ नगर मधील शीतल पाटील, वैष्णवी‎ जाधव, स्मिता बागले, एकता मोरे,‎ माधवी पाटील, चंद्रकला सांळुखे,‎ दीपाली ठाकरे उपस्थित होते.‎