पुरस्कार वितरण:सैराट फेम नागराज मंजुळे आज येणार‎ शहरात, केशव गार्डनमध्ये साधणार संवाद‎

माता रमाई भीमराव आंबेडकर यांच्या १२५ व्या‎ जयंतीनिमित्त उद्या मंगळवारी (दि.७) सायंकाळी ७ वाजता‎ आग्राराेडवरील केशव गार्डनमध्ये माता रमाई कला वैभव‎ २०२३ या पुरस्काराचे वितरण केले जाणार आहे. सैराट फेम‎ नागराज मंजुळे यांना हा पुरस्कार देण्यात येणार आहे.‎

खासदार डाॅ. सुभाष भामरे, आमदार जयकुमार रावल,‎ मुंबईचे संपादक बबन कांबळे, आमदार कुणाल पाटील,‎ आमदार फारूक शह, नागपूरचे आमदार टेकचंद सावकर,‎ जिल्हाधिकारी जलज शर्मा, पाेलिस अधीक्षक संजय‎ बारकुंड, माजी आमदार राजवर्धन कदमबांडे, जिल्हा‎ परिषदेच्या अध्यक्षा अश्विनी पाटील, भाजपचे अनुप‎ अग्रवाल आदी उपस्थित असतील.

नागसेन बाेरसे यांची‎ उपमहापाैरपदी निवड झाल्याने त्यांचा नागराज मंजुळे यांच्या‎ हस्ते सत्कार हाेणार आहे. तसेच न्यायदानात २५ वर्षांपासून‎ कार्यरत अॅड. मधुकर भिसे यांचाही सत्कार केला जाईल. या‎ कार्यक्रमापूर्वी सकाळी १० वाजता डाॅ. बाबासाहेब आंबेडकर‎ यांच्या पुतळ्याजवळ बुद्धवंदना, माता रमाई यांना अभिवादन‎ करण्यात येणार असल्याची माहिती समितीचे अध्यक्ष‎ वाल्मीक दामाेदर, शशिकांत वाघ, राज चव्हाण, याेगेश ईशी,‎ शंकर थाेरात यांनी दिली.‎