आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

दखल:पाणीपुरवठा विभागाच्या अभियंत्याची‎ मेलाणेत पहाणी; यंत्रणा दाद देईना‎

धुळे‎एका महिन्यापूर्वी
  • कॉपी लिंक

शिंदखेडा तालुक्यातील मेलाणे‎ येथील विहिरींच्या पाण्याच्या‎ प्रदुषणा संदर्भात ‘दिव्य मराठी’ने‎ वृत्त बुधवारी प्रसिध्द केले. त्याची ‎ ‎ दखल घेत बुधवारी शिंदखेडा‎ पंचायत समितीच्या पाणीपुरवठा ‎ विभागाचे अभियंता राजेंद्र देसले‎ तसेच बेटावद प्राथमिक आरोग्य ‎ ‎ केंद्राच्या पथकाने गावात भेट देत ‎ ‎ पाहणी केली. तसेच जलस्त्रोतांच्या ‎ ‎ पाण्याचे नमुने घेतले. मात्र या‎ यंत्रणेने फक्त सार्वजनिक‎ पाणीपुरवठांच्या जलस्त्रोतांचेच‎ नमुने घेतले आहेत. प्रकरण गंभीर‎ असताना याकडे अद्याप महसूल‎ यंत्रणेने मात्र दुर्लक्ष केले आहे.‎ शिंदखेडा तालुक्यातील मेलाणे‎ आणि वारुळ शिवारातील‎ शेतकऱ्यांच्या विहिरींचे पाण्यात‎ रासायनिक पदार्थ मोठ्या प्रमाणात‎ मिसळत असल्याने रंग बदलला‎ आहे.

या गावातील वास्तव‎ परिस्थिती ‘दिव्य मराठी’ने उजेळात‎ आणली. याची दखल घेत‎ शिंदखेडा पंचायत समितीचे‎ गटविकास अधिकाऱ्यांच्या‎ सूचनेनुसार ग्रामीण पाणीपुरवठा‎ विभागाचे अभियंता राजेंद्र देसले‎ यांनी गावाला पाणी पुरवठा‎ करणाऱ्या जलस्त्रोतांची पाहणी‎ केली. तसेच आराेग्य विभागाच्या‎ पथकाने देखील जलस्त्रोतांचे नमुने‎ घेतले आहेत. या शिवाय गुलझार‎ नदीचे पाणी ज्या ठिकाणी प्रदूषित‎ झाले आहे. त्या ठिकाणी देखील‎ चाैकशी अधिकाऱ्यांनी भेट देऊन‎ पाहणी केली. या वेळी सरपंच‎ राजाराम बोरसे, पोलिस पाटील‎ ब्रिजेश बोरसे, शेतकरी भागवत‎ पवार, शालिग्राम पाटील, संदीप‎ बोरसे, नारायण पवार आदी शेतकरी‎ उपस्थित होते. तसेच अधिकाऱ्यांनी‎ शेतकऱ्यांच्या जलस्त्रोताची देखील‎ पाहणी केली.‎

महसूलयंत्रणा ढिम्म‎
शेतशिवारातील पाणी प्रदुषित‎ झालेले आहे. या संदर्भात पोलिस‎ पाटील यांनी शेतकऱ्यांच्या तक्रारी‎ वरुन पंचनामा करून पंचनामा‎ अहवाल तहसीलदारांना सादर केला‎ आहे. मात्र त्या पुढे कोणतीच‎ कार्यवाही झालेली नाही. अद्याप तरी‎ महसूल यंत्रणा ढिम्मच आहे. यामुळे‎ शेतकऱ्यांच्या नुकसानी बाबत‎ दिलासा मिळालेला नाही.‎

प्रदूषण मंडळाचे दुर्लक्ष
‎मेलाणेचे सरपंच राजाराम बोरसे‎ यांनी आणि गावकऱ्यांनी या पूर्वीच‎ धुळे शहरातील प्रदुषण नियंत्रण‎ मंडळाच्या कार्यालयात प्रत्यक्ष भेटून‎ कैफियत मांडली आहे. मात्र यानंतर‎ मोठा कालावधी उलटला आहे.‎ पाण्याचे प्रदूषण झालेले असताना‎ प्रदूषण नियंत्रण मंडळाच्या‎ यंत्रणेकडून कोणतीच दखल घेण्यात‎ आलेली नाही.‎

बातम्या आणखी आहेत...