थोरात म्हणाले:एकजुटीने लढलो तरच मविआला‎ 200 पेक्षा जास्त जागा मिळतील‎, ईव्हीएमबद्दल शंका येते‎

महाविकास आघाडीला २०२४ च्या लोकसभा‎ निवडणुकीत ३८ जागांवर यश मिळेल. आणि‎ ‎ मविआ एकजुटीने लढली तरच‎ ‎ विधानसभेच्या २०० पेक्षा जास्त‎ ‎ जागा मिळतील, असा दावा‎ ‎ काँग्रेस नेते बाळासाहेब थोरात‎ ‎ यांनी व्यक्त केला आहे. धुळे‎ ‎ जिल्ह्यातील कृषी उत्पन्न बाजार‎ समितीच्या निवडणुकीच्या पार्श्वभूमीवर आयोजित‎ मेळाव्याला त्यांनी नुकतेच मार्गदर्शन केले. त्यानंतर‎ प्रसारमाध्यमांशी बोलताना त्यांनी हा दावा केला.‎ कसब्याच्या पोटनिवडणुकीचा निकाल‎ लागल्यानंतर उद्धवसेनेचे खासदार संजय राऊत‎ यांनी विधानसभेला मविआ २०० पेक्षा जास्त जागा‎ जिंकेल, असे म्हटले होते. थोरातांनी तोच दावा‎ केला. ईव्हीएम मशीनवर माझा विश्वास‎ असल्याचे वक्तव्य विरोधी पक्षनेते अजित पवार‎ यांनी केले होते. पवारांच्या या वक्तव्याबाबत थोरात‎ म्हणाले की, जेव्हा निवडणुकीचा निकाल समोर‎ येतो तेव्हा ईव्हीएम मशीनबाबत संशय निर्माण‎ होतो. पण कुणी काय बोलावे हा ज्याचा त्याचा‎ वैयक्तिक प्रश्न आहे.‎