तपासणी:146 दिवसांनंतर आढळले दोन काेरोना रुग्ण‎

शहरात सन २०२३ मध्ये प्रथमच तब्बल‎ १४६ दिवसांनंतर दोन कोरोना बाधित‎ आढळले. दोघेही संशयित आरोपी असून‎ ते कारागृहात आहे. दोघांची कारागृहात‎ दाखल करण्यापूर्वी तपासणी झाली होती.‎ तपासणीचा अहवाल आत्ता प्राप्त झाला.‎ जिल्ह्यात २०२० व २०२१ मध्ये कोरोनाने‎ थैमान घातले होते. शहरातील २६४ तर‎ ग्रामीण भागातील ४१२ बाधितांचा मृत्यू‎ झाला होता.

पाच ते सहा महिन्यांपासून‎ कोरोना नियंत्रणात आहे. जिल्ह्यासह‎ शहरात बाधित आढळत नसले तरी‎ संशयितांची तपासणी सुरू आहे.‎ नियमानुसार कारागृहात दाखल होणाऱ्या‎ प्रत्येक बंदिवानांची तपासणी होते.‎ त्यानुसार गेल्या आठवड्यात चाळीसगाव‎ रोड व सोनगीर पोलिसांनी अटक केलेल्या‎ दोघांची कारागृहात दाखल करण्यापूर्वी हिरे‎ रुग्णालयात कोरोना तपासणी झाली.‎ दोघांचाही अहवाल पॉझिटिव्ह आला‎ आहे. त्यामुळे त्यांना कारागृहातील‎ रुग्णालयाजवळील खोलीत क्वारंटाइन‎ केले आहे. त्यामुळे इतर बंदिवांनाना संसर्ग‎ होण्याचा धोका नाही. जिल्ह्यासह शहरात‎‎‎‎‎‎‎‎‎‎‎ यापूर्वी १६ ऑक्टोबर २०२२ मध्ये बाधित‎ आढळला होता. नवीन वर्षात बाधित‎ आढळण्याची पहिलीच घटना आहे.‎

पोलिसांची होणार तपासणी‎
दोघा संशयितांच्या संपर्कात चाळीसगाव‎ रोड व सोनगीर पोलिस ठाण्याचे कर्मचारी‎ आले आहे. आता दोघांचा रिपोर्ट‎ पॉझिटिव्ह आल्यामुळे पोलिसांनी तपासणी‎ करणे गरजेचे आहे. त्यामुळे‎ प्रशासनाकडून पोलिसांना तपासणीची‎ सूचना केली जाणार आहे.‎