समस्या:निधी अखर्चीत; सुटीच्या‎ दिवशीही झेडपीत काम‎

जिल्हा परिषदेच्या विविध विभागांना‎ नियोजन समितीकडून मिळालेल्या‎ निधीपैकी बहुतांश निधी अखर्चीत आहे.‎ बहुतांश कामांचे आयपास झाले नाही. ही‎ प्रक्रिया १५ मार्चपूर्वी पूर्ण करावी, अशी‎ सूचना जिल्हाधिकाऱ्यांनी दिली आहे.‎ त्यामुळे जिल्हा परिषदेत शनिवारी सुटीच्या‎ दिवशीही कामकाज सुरू होते.‎ जिल्हा परिषदेला नियोजन समितीकडून‎ आदिवासी व बिगर आदिवासी क्षेत्रातील‎ विकास कामासाठी निधी देण्यात येताे. हा‎ निधी मुदतीत खर्च होणे आवश्यक असते.‎ जिल्हा परिषदेत ऑक्टोबर महिन्यात‎ खांदेपालट झाले.

त्यानंतर पूर्वीच्या‎ पदाधिकाऱ्यांनी निश्चित केलेल्या कामात‎ विद्यमान पदाधिकाऱ्यांनी बदल सुचवले.‎ कामांचे फेरनियोजन सुरू असतानाच‎ ग्रामपंचायत, विधानपरिषद‎ निवडणुकीसाठी आचारसंहिता लागली.‎ त्यामुळे फेरनियोजन झालेल्या कामांना‎ अंतिम मंजुरी मिळाली नाही. या प्रक्रियेत‎ कामांचे आयपास झाले नाही. जिल्हा‎ परिषद लघु पाटबंधारे विभागात शंभर‎ टक्के कामांचे आयपास झाले आहे. इतर‎ विभागांच्या कामांच्या आयपास झाले‎‎‎‎‎‎‎‎‎‎‎ नाही.

त्यामुळे मोठा निधी अखर्चीत दिसतो‎ आहे. हा निधी मार्चपूर्वी खर्च झाला नाही‎ तर परत जाण्याची शक्यता आहे. त्यामुळे‎ १५ मार्चपूर्वी नियतव्यय नुसार कामांचे‎ नियोजन करून आयपास करण्याचे‎ आदेश जिल्हाधिकारी जलज शर्मा यांनी‎ दिले आहे. मुदतीत आयपास झाले नाही व‎ निधी परत गेला तर संबंधितांवर जबाबदारी‎ निश्चित करून कारवाई होणार आहे.‎ त्यामुळे शनिवारी जिल्हा परिषद आणि‎ पंचायत समितीचे कामकाज सुरू होते.‎ तसेच उद्या रविवारीही काम सुरू राहणार‎ आहे. निधी परत जाणार नाही यासाठी‎ जिल्हा परिषद प्रशासनाने प्रयत्न सुरू केले‎ आहे. मार्चअखेरपर्यंत जास्तीत जास्त‎ निधी खर्च करण्यासाठी आता प्रयत्न‎ होणार आहेत.‎

अध्यक्ष, उपाध्यक्ष हाेते‎ दिवसभर तळ ठोकून‎
जिल्हा परिषदेत शुक्रवारी अध्यक्ष,‎ उपाध्यक्षही तळ ठोकून होते. तसेच‎ ठेकेदारांचीही गर्दी हाेती. एरवी शनिवारी‎ जिल्हा परिषदेत शुकशुकाट असतो. या‎ शनिवारी मात्र जिल्हा परिषद गजबजली‎ असल्याचे दिसून आले.‎