मोलाचा सल्ला:हक्कासाठी जागृत व्हावे, कायद्याचा‎ वापर करा पण कर्तव्य विसरू नका‎

महिलांनी त्यांच्या हक्काविषयी जागृत‎ झाले पाहिजे. त्याचबरोबर अन्याय‎ झाला तर दाद मागण्यासाठी कायद्याची‎ मदत घ्यावी. हे सर्व करत असताना‎ कर्तव्याची जाण ठेवावी, असे मत अॅड.‎ पूनम काकुस्ते यांनी व्यक्त केले.‎ राष्ट्रीय विधी सेवा प्राधिकरण व‎ राष्ट्रीय महिला आयोगाच्या‎ निर्देशानुसार तालुक्यातील पेरेजपूर येथे‎ महिला दिनानिमित्त महिला विषयक‎ कायदे जनजागृती मेळावा झाला.

त्या‎ वेळी त्या बोलत होत्या. साक्री‎ न्यायालयाचे न्या. के. टी. अढायके‎ अध्यक्षस्थानी हाेते. न्या. नीलेश‎ पाटील, साक्री तालुका वकील संघाचे‎ अध्यक्ष अॅड. वाय. पी. कासार, अॅड.‎ एस. जे. पाटील, अॅड. बादल साळुंखे,‎ अॅड. करुणा गावित, अॅड. रूपाली‎ देसले, अॅड. चंद्रकला देवरे, साक्री‎ न्यायालयाचे अधीक्षक गायकवाड,‎‎‎‎‎‎‎‎‎‎‎‎ विवेक सोनवणे, महिला बचत गटाच्या‎ तालुका समन्वयक सुमन भदाणे आदी‎ उपस्थित होते. अॅड. पूनम‎ काकुस्ते-शिंदे यांनी राज्यघटनेने‎ महिलांना दिलेले विविध अधिकार,‎ राष्ट्रीय महिला आयोग, पोटगीचा‎ कायदा, कौटुंबिक कायदा,‎ घटस्फोटाचा कायदा, महिलांचे‎ राजकीय, सामाजिक अधिकार व‎ आरक्षण आदी विषयांवर मार्गदर्शन‎ केले.

या वेळी त्या म्हणाल्या की,‎‎‎‎‎‎‎‎‎‎‎‎ महिला पुरुषांपेक्षा शारीरिक बदलामुळे‎ भिन्न असल्या तरी सुद्धा राज्यघटनेने‎ त्यांनाही पुरुषांप्रमाणेच समांतर‎ अधिकार दिले आहे. महिलांना व्यक्ती‎ स्वातंत्र्य आहे. त्यांना शिक्षण घेण्यासह‎ जगण्याचा, बोलण्याचा अधिकार‎ आहे. मुलगा किंवा मुलगी असा भेद‎ प्रत्येकाने टाळावा. मुलींना उच्च शिक्षण‎ द्यावे. तसेच १८ वर्षांनंतरच तिचा विवाह‎ करावा. बालवयात विवाह करण्याची‎ सक्ती कोणीही करू शकत नाही.‎‎‎‎‎‎‎‎‎‎‎‎‎‎‎‎‎‎ महिलांना राजकीय क्षेत्रात ५० टक्के‎ आरक्षण देण्यात आले आहे. त्याचा‎ महिलांनी लाभ घ्यावा. तसेच अस्तित्व‎ सिद्ध करावे, असेही अॅड. पूनम‎ काकुस्ते यांनी स्पष्ट केले.‎

पोटगीच्या कायद्यासह‎ मिळकतीची दिली माहिती‎
या वेळी अॅड. व्ही. ए. खैरनार यांनी‎ कौटुंबिक हिंसाचार, हुंडा प्रतिबंधक‎ कायद्याची माहिती दिली. न्या. के. टी.‎ अढायके यांनी ज्येष्ठ नागरिकांसाठी‎ असलेला पोटगीचा कायदा,‎ वडिलोपार्जित मिळकती संदर्भातील‎ कायद्याविषयी माहिती दिली. या वेळी‎ पेरेजपूर ग्रामपंचायतीतर्फे गावातील‎ कर्तव्यदक्ष व विशेष कार्य करणाऱ्या‎ महिलांचा न्या. अढायके यांच्या हस्ते‎ सत्कार करण्यात आला. अॅड. चारू‎ शिंदे यांनी प्रास्ताविक केले. सरपंच‎ मनोज देसले यांनी आभार मानले.‎