आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

वैद्यमापन शास्त्र विभाग:आयान साखर कारखान्यातील‎ वजन काट्याची केली तपासणी‎

कोपर्ली‎एका महिन्यापूर्वी
  • कॉपी लिंक

नंदुरबार तालुक्यातील समशेरपूर येथील‎ आयान मल्टिट्रेड एल. एल. पी युनिट -१.‎ साखर कारखान्याच्या संगणकीकृत‎ इलेक्ट्रॉनिक वजन काट्याची तपासणी‎ जिल्हाधिकारी यांच्या मार्गदर्शनाखाली‎ वैद्यमापन शास्त्र विभागाच्या भरारी‎ पथकाकडून करण्यात आली.‎ आयन साखर कारखान्यावरती गाळपासाठी‎ ऊस घेऊन आलेल्या ट्रॅक्टरचे व ट्रकचे‎ अत्याधुनिक संगणकीकृत इलेक्ट्रॉनिक वजन‎ काट्यावरती वजन करण्यात आले. त्यांचे‎ वजनमाप अचूक आले. वजन करण्यासाठी‎ आलेल्या या भरारी पथकात, वैद्यमापक शास्त्र‎ विभागाचे निरीक्षक प्रशांत खडाख, नंदुरबारचे‎ तहसीलदार भाऊसाहेब थोरात, तालुका‎ पोलिस ठाण्याचे निरीक्षक राहुलकुमार पवार,‎ साखर आयुक्तांचे प्रतिनिधी जी. ए. देवरे,‎ शेतकरी संघटनेचे प्रतिनिधी नथू पाटील, पवन‎ पाटील, हंबीरराव चव्हाण व कारखान्याचे‎ पदाधिकारी उपस्थित होते.‎

या वेळी कारखान्यामध्ये उपलब्ध‎ असलेल्या संगणकीकृत इलेक्ट्रिक वजन‎ काट्यांचे पथकाकडून तपासणी करण्यात‎ आली. प्रत्येक संगणकीकृत इलेक्ट्रॉनिक वजन‎ काट्याच्या वजन झालेल्या वाहनाचे वजन‎ ऑफिसच्या आतील बाजूस व वाहनधारकांना‎ तसेच ऊस उत्पादकांना ठळकपणे दिसेल,‎ अशा वजन दर्शवणारे मोठे डिस्प्ले लावण्यात‎ आलेले आहेत. या भरारी पथकाकडून वजन‎ काट्यांची तपासणी करण्यापूर्वी या‎ संगणकीकृत इलेक्ट्रॉनिक वजन काट्यावरून‎ वजन करून ऊस गाळपसाठी गव्हाणकडे‎ गेलेल्या वाहनांना वजन काट्यावरती पुन्हा‎ वजन करण्यासाठी बोलवण्यात येवून त्यांची‎ फेरतपासणी करून त्यांचे वजन निरीक्षण‎ नोंदवण्यात आले. या भरारी पथकाने वजन‎ काट्यांचे विविध निकषांच्या आधारे तपासणी‎ करून कारखान्यातील वजन काटे हे अचूक‎ असल्याचे प्रमाणपत्र कारखान्यास देण्यात‎ दिले.‎

बातम्या आणखी आहेत...