विविध तृणधान्यांच्या नमुन्यांचे प्रदर्शन‎:पौष्टिक तृणधान्य वर्षानिमित्त कार्यशाळा‎

कृषी अधिकारी कार्यालय व कृषी विज्ञान‎ केंद्रातर्फे आंतरराष्ट्रीय पौष्टिक तृणधान्य‎ वर्षानिमित्त जिल्हास्तरीय कार्यशाळा‎ झाली. कार्यशाळेत तृणधान्याचे महत्त्व‎ पटवून देण्यात आले. आहारात‎ तृणधान्याचा वापर करावा असे आवाहन‎ या वेळी करण्यात आले.‎ जिल्हा अधीक्षक कृषी अधिकारी‎ एस. डी. मालपुरे उपस्थित होते. या वेळी‎ कार्यक्रमाचे समन्वयक डॉ. दिनेश नांद्रे‎ यांनी पौष्टिक तृणधान्याविषयी शास्त्रीय‎ माहिती दिली. \

आहार तज्ज्ञ डॉ. अनंत‎ पाटील यांनी पौष्टिक तृणधान्याचे‎ आहारातील महत्त्व सांगितले. बाजरी,‎ ज्वारी, नाचणी, राळा, भगर, सावा, बर्टी,‎ कुटकी आदींपासून बनवलेल्या पदार्थांची‎ माहिती दिली. डॉ. अमृता राऊत यांनी‎ अन्न प्रक्रिया उद्योगांसाठी लागणाऱ्या‎ विविध मशिनरींची माहिती दिली.

बाजरा‎ पैदासकार डॉ. खुशाल बऱ्हाटे यांनी‎ बाजरी उत्पादन, सधन लागवड‎ याविषयी, डॉ. दीपक शिंदे यांनी‎ शेतकऱ्यांनी आरोग्याची काळजी कशी‎ घ्यावी याविषयी माहिती दिली. श्रीराम‎ शंकर पाटील यांनी अनुभव कथन केले.‎ या वेळी प्रकल्प संचालक विनय बोरसे,‎ प्रा. डॉ. जगदीश काथेपुरी, प्रा. डॉ. पंकज‎‎‎‎‎‎‎‎‎‎‎‎‎‎‎‎‎‎‎‎‎ पाटील, रोहित कडू, धनराज चौधरी,‎ आतिश पाटील, दिलीप पाटील,‎ वाल्मीक पाटील, प्रकाश भुता पाटील,‎ श्रीराम शंकर पाटील, जी. टी. धोंगडे,‎ वाल्मीक प्रकाश, सी. के ठाकरे, ए. पी.‎ निकुंभ, नवनाथ साबळे आदी उपस्थित‎ होते.

कार्यशाळेनंतर सर्व शेतकऱ्यांना‎ तृणधान्यापासून तयार केलेले भोजन‎ देण्यात आले. पुष्पलता हिंगे यांनी‎‎‎‎‎‎‎‎‎‎‎‎‎‎‎‎‎‎‎‎‎ सूत्रसंचालन केले. कार्यक्रमाच्या‎ यशस्वितेसाठी उमाकांत सावंत, खुशाल‎ पाटील, नितीन मासुळे, शुभम पाटील,‎ जयदीप पाटील आदींनी प्रयत्न केले.‎ तृ़णधान्याचा वापर वाढावा या उद्देशाने‎ प्रयत्न करण्यात येणार आहे. त्याचबरोबर‎ तृणधान्याचे उत्पादन वाढवण्यासाठी‎ शेतकऱ्यांना मार्गदर्शन करण्यात येणार‎ आहे.‎

पदार्थांपासून साकारली रांगोळी‎
कार्यशाळेनिमित्त सभागृहात व सभागृहाबाहेर बाजरी, ज्वारी, राळा, नागली, राजगिरा,‎ भगरीचा वापर करून रांगोळी काढण्यात आली. तसेच तृणधान्याचे माहितीपर प्रदर्शन‎ भरवण्यात आले. प्रदर्शनात बाजरी, ज्वारी, चिकणी, नाचणी, राळा, भगर, सावा,‎ बर्टी, कुटकी, कोदो, भगर आदी धान्याचे नमुने प्रदर्शित करण्यात आले. उद्योजकांनी‎ नाचणीवर आधारित उपपदार्थांचे कुकीज, नागलीचे विविध पदार्थ तयार करून मांडले‎ होते. शेतकऱ्यांनी ज्वारी, बाजरीच्या विविध जातींचे नमुने आणून प्रदर्शनाची शोभा‎ वाढवली.‎