गुन्ह्याची उकल‎:कापूस विक्रीच्या 14 लाखांची‎ लूट; 5 ताब्यात, मुद्देमाल जप्त‎

बंदुकीचा धाक दाखवून शेतकऱ्यांना‎ लुटणारे धुळे जिल्ह्यातील चार‎ दरोडेखोरांसह एकास स्थानिक गुन्हे‎ शाखेकडून ३० तासांतच जेरबंद‎ करण्यात यश मिळाले. त्यांच्याकडून‎ २१ लाख रुपये किमतीचा मुद्देमाल‎ हस्तगत केल्याने शेतकऱ्यांचा‎ कष्टाचा पैसा त्यांना परत मिळणार‎ असून पाेलिसांच्या कामगिरीचेही‎ काैतुक हाेत आहे.‎ भालेर येथील शेतकरी सुनील‎ पाटील व त्यांचा भाऊ हंसराज‎ पाटील यांनी गुजरात राज्यात विक्री‎ केलेल्या कापसाची रक्कम घरी‎ घेऊन जाताना त्यांना अडवून‎ बंदुकीचा धाक दाखवत हे १३ लाख‎ ९४ हजार रुपये लुटल्याची घटना १०‎ मार्च रोजी रात्री दीड वाजेच्या‎ सुमारास घडली.

माहिती मिळताच‎ पोलिस अधीक्षक पी.आर. पाटील‎‎‎‎‎‎‎‎‎‎ यांच्यासह अतिरिक्त पाेलिस‎ अधीक्षक नीलेश तांबे, पोलिस‎ उपविभागीय अधिकारी सचिन हिरे,‎ पोलिस निरीक्षक रवींद्र कळमकर व‎ पथक घटनास्थळी पोहाेचले.‎ जिल्ह्यात, जिल्हा सीमेलगत‎ असलेल्या गुजरात व मध्य प्रदेश‎ राज्यातील तसेच धुळे जिल्ह्यातील‎ पोलिस ठाण्यांना नाकेबंदीचे आदेश‎ देत सहा वेगवेगळी पथके पाठवली.‎ कापूस व्यापारी उमेश पाटील याने‎ दरोडा टाकल्याची माहिती प्राप्त‎ झाली. संशयित पाटील याने हा गुन्हा‎‎‎‎‎‎‎‎‎‎ त्याचा धामणगाव, जि. धुळे येथील‎ नातेवाईक चैत्राम पाटील व अन्य‎ तीन साथीदारांच्या मदतीने केल्याची‎ माहिती दिली. पथकाने तत्काळ सर्व‎ आरोपींना ताब्यात घेतले. चैत्राम‎ ऊर्फ झेंडू राजधर पाटील (वय‎ ४१), सागर उर्फ बंटी सुभाष पाटील‎ (वय २४), दीपक उर्फ बबलू सुभाष‎ पाटील (वय २६) तिन्ही रा.‎ धामणगाव यांनी पैसे, बंदूक शेतात‎ लपवल्याचे सांगितले. शिरूड‎ (ता.धुळे) येथील राहुल भोई या‎ तरुणाचे असल्याचे सांगितले.‎

तत्परतेने गुन्ह्याची उकल, शेतकऱ्यांना दिलासा‎
या गुन्ह्यात पाचही आराेपींना ताब्यात घेतले असून वरील साहित्यासह ५०‎ हजारांचे पाच मोबाइल व गुन्ह्यावेळी वापरलेले सात लाख रुपये किमतीचे‎ वाहन असा एकूण २१ लाख २ हजार ९४० रुपयांचा मुद्देमाल जप्त करुन‎ आरोपींसाेबत तपासासाठी शहर पोलिसांच्या ताब्यात दिला. या आराेपींनी‎ आणखी गुन्हे केले आहेत का, याचा तपास सुरू आहे. येथील पोलिसांनी‎ अवघ्या ३० तासात गंभीर गुन्हा उघडकीस आणत मोठी कामगिरी बजावली.‎