धडक कारवाई:मध्य प्रदेशातून 18 लाखांचे चंदनाचे‎ तेल, लाकूड हस्तगत तिघे जेरबंद‎

नवापूर तालुक्यातील नवरंग‎ गेटजवळ कोठडा शिवारातील ‎एमआयडीसीकडे जाणाऱ्या‎ रस्त्यावर दरोडा टाकण्याच्या‎ उद्देशाने ५ डिसेंबर रोजी रात्री १.१५ ‎ ‎ वाजेच्या सुमारास पकडण्यात‎ आलेल्या व तुरुंगातून फरार‎ झालेल्या पाच आरोपींपैकी एका ‎आरोपीने चंदन चोरीची कबुली‎ दिली. मंगळवारी आणखी तिघांना‎ मध्य प्रदेश राज्यात जावून ताब्यात ‎ ‎ घेण्यात आले. त्यांच्याकडून १७‎ लाख रुपये किमतीचे चंदन व वाहन ‎जप्त करण्यात आले.‎ पाेलिसांनी ताब्यात घेतलेला‎ आरोपी गौसखॉ हानिफखॉ पठाण‎ हा सराईत गुन्हेगार असल्याने त्यास ‎ ‎ अधिक विचारपूस केली. त्याने‎ सप्टेंबर २०२२ मध्ये नवापूर येथे‎ त्याच्या वरील साथीदारांच्या मदतीने ‎ ‎ चंदनाचे झाड कापून ते इतर‎ साथीदारांच्या मदतीने अब्दुल‎ रेहमान कादर, रा.गवाडी, ता.जि.‎ सेंधवा (मध्य प्रदेश) यांना विक्री‎ केल्याचे सांगितले. पोलिस‎ अधीक्षक पी.आर. पाटील यांनी‎ नवापूर पोलिस ठाण्याचे व स्थानिक‎ गुन्हे शाखेचे तत्काळ एक पथक‎ तयार केले.

आणि बडवाणी‎ जिल्ह्यात स्थानिक पोलिसांच्या‎ ‎मदतीने अब्दुल रेहमान कादर यांच्या‎ मालकीच्या एस.बी. अरोमॅट्रिक्स‎ फॅक्टरीला भेट दिली. पथकाने संपूर्ण‎ फॅक्टरीची पाहणी केली असता १७‎ लाख ७२ हजार रुपये किमतीचे‎ २६.०२ किलो ग्रॅम वजनाचे चंदनाचे‎ सुगंधी तेल व चंदनाचे लाकूड‎ वाहतुकीसाठीचे ७ लाख रुपये‎ किमतीचे टाटा कंपनीचे वाहन‎ क्रमांक एमएच ४६ बीएफ ०५४३‎‎ असा एकूण २८ लाख ५६ हजार‎ रुपये किमतीचा मुद्देमाल हस्तगत‎ करुन तिन्ही आरोपींना ताब्यात‎ घेतले. अब्दुल रहेमान अब्दुल कादर‎ (वय ५८), सौदागर सहदेव कोलते‎ (वय ४६) व उमेश विलास‎ सूर्यवंशी (वय ४०) दोन्ही रा. नारी,‎ ता. बार्शी, जि. सोलापूर अशी या‎ आराेपींची नावे असून त्यांना चंदन‎ चोरी प्रकरणी ताब्यात घेतले.‎

या पथकाने केली‎ अटकेची कारवाई‎
ही कामगिरी पोलिस अधीक्षक‎ पी.आर. पाटील, अपर पोलिस‎ अधीक्षक नीलेश तांबे, नंदुरबार‎ विभागाचे उपविभागीय पोलिस‎ अधिकारी सचिन हिरे यांच्या‎ मार्गदर्शनात एलसीबीचे पोलिस‎ निरीक्षक किरणकुमार खेडकर,‎ नवापूर पोलिस ठाण्याचे पोलिस‎ निरीक्षक ज्ञानेश्वर वारे, पोलिस उप‎ निरीक्षक अशोक मोकळ, पोलिस‎ हवालदार दिनेश वसुले, पोलिस‎ नाईक योगेश थोरात, विनोद‎ पराडके, हेमंत सैंदाणे, पोलिस‎ अंमलदार गणेश बच्छे, परमानंद‎ काळे, दिनेश बाविस्कर तसेच‎ एलसीबी पोलिस नाईक जितेंद्र‎ अहिरराव, पोलिस अंमलदार अभय‎ राजपूत यांच्या पथकाने केली.‎

महाराष्ट्रासह तीन राज्यांत‎ गुन्ह्याची व्याप्ती‎
गौसखाँ पठाण याने महाराष्ट्र,‎ गुजरात, मध्य प्रदेश राज्यातून‎ चंदनाच्या झाडाचे तुकडे चोरी करुन‎ आणल्याची माहिती समोर आली‎ आहे. त्यामुळे या तिन्ही राज्यातील‎ आणखी काही चंदन चोरीचे गुन्हे‎ उघडकीस येण्याची शक्यता आहे.‎ या गुन्ह्याची व्याप्ती खूप मोठी असून‎ गुन्ह्याच्या मुळापर्यंत जावून त्यात‎ सहभाग असणाऱ्यांना लवकरच‎ ताब्यात घेवून कठोर कायदेशीर‎ कारवाई करण्यात येईल. कोणाचीही‎ गय केली जाणार नाही. तसेच‎ ताब्यात घेतलेल्या आरोपींकडून या‎ तिन्ही राज्यातील चंदन चोरीचे‎ बरेचसे गुन्हे उघडकीस येण्याची‎ शक्यता असल्याचे जिल्हा पोलिस‎ अधीक्षक पाटील यांनी सांगितले.‎