आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

आरोग्य शिक्षण:सहायक परिचारिका अन् जनरल नर्सिंग‎ प्रशिक्षणासाठी 80 जागांसाठी 550 अर्ज‎

नंदुरबार‎एका महिन्यापूर्वी
  • कॉपी लिंक

जिल्हा रुग्णालय अधिनस्त कार्यरत‎ परिचारिका प्रशिक्षण महाविद्यालय‎ अर्थात शासकीय नर्सिंग‎ महाविद्यालयात सन २०२२ -२३ या‎ वर्षासाठी एएनएम अर्थात सहाय्यक‎ परिचारीका मिडवाईफरी व‎ जीएनएम अर्थात जनरल नर्सिंग‎ प्रशिक्षणासाठी प्रवेश विद्यार्थी क्षमता‎ वाढवण्यात आली आहे. प्रत्येकी‎ दोन्ही कोर्ससाठी २०२२:२३ या‎ वर्षाकरीता प्रत्येकी ४० असे एकूण‎ ८० विद्यार्थी दाखल होणार आहेत.‎ आलेल्या अर्जांपैकी निवड‎ झालेलया विद्यार्थिनींची निवड यादी‎ ६ जानेवारी रोजी महाविद्यालयात‎ लागणार आहे. त्यामुळे निवड,‎ प्रतिक्षा यादीकडे विद्यार्थीनींचे लक्ष‎ लागून आहे. ५५० विद्यार्थिनींनी अर्ज‎ भरला आहे.‎ १९ डिसेंबर ते २३ डिसेंबर या‎ कालावधीत प्रशिक्षणास निवड‎ होण्याकरीता अर्ज मागवण्यात आले‎ होते.

त्यानुसार एएनएम प्रशिक्षण‎ करीता ९४ व जीएनएम प्रशिक्षण‎ करीता ४५६ अर्ज विक्री झाले होते.‎ ते अर्ज इच्छुकांनी सदर केले असून‎ प्रशिक्षणार्थींची अंतिम निवड व‎ प्रतिक्षा यादी ६ जानेवारी रोजी नर्सिंग‎ महाविद्यालयात लावण्यात येणार‎ आहे. नर्सिंग महाविद्यालयासाठी २६‎ पदे मंजूर झाले आहेत. प्रत्यक्षात‎ एकच पद भरण्यात आले आहे.‎ उर्वरित २५ रिक्त पदांवर जिल्हा‎ रूग्णालयातील अहर्ताधारक‎ अधिपरिचारीका कार्यरत आहेत.‎ जिल्हा शल्य चिकित्सक डॉ.‎ चारूदत्त शिंदे यांच्या‎ मार्गदर्शनाखाली कामकाज सुरू‎ आहे.

परिचारिकांना आधी मानधन‎ दिले जात नसे. आता मानधन सुरू‎ झाले आहे. त्यामुळे‎ प्रशिक्षणाबरोबरच विद्यावेतन‎ मिळणार असल्याने गरीब‎ विद्यार्थिनींना याचा लाभ मिळणार‎ आहे. परिचारिकांच्या परीक्षेसाठी‎ पूर्वी धुळयात परीक्षा केंद्र होते. मात्र‎ सातत्याने पाठपुरावा केल्याने‎ नंदुरबार शहरात परीक्षा केंद्रांना‎ मान्यता देण्यात आल्याने‎ परिचारिकांना नंदुरबारमध्येच परीक्षा‎ द्यावी लागणार आहे. त्यामुळे‎ धुळयाला जाण्यासाठी लागणारा‎ वेळ व पैसा वाचणार आहे. तर‎ बीएसस्सी नर्सिंग पदवी‎ अभ्यासक्रमाकरिता वारंवार शासन‎ पाठपुरावा करण्यात आला.‎

नर्सिंग कॉलेजमध्ये विविध सुविधा‎
राज्यातील परिचारिकांचे परीक्षा तपासण्याचे केंद्रही नंदुरबार झाल्याने‎ राज्यातील प्रश्नपत्रिका नंदुरबारला तपासण्यात आल्या आहेत. त्यामुळे‎ नर्सिंग प्रशिक्षण क्षेत्रातनंदुर बार हे आता राज्यात नावारूपाला येत आहे.‎ नंदुरबार येथे २०१९ मध्ये नर्सिंग कॉलेज स्थापन झाले. तीन वर्षात नर्सिंग‎ कॉलेजमध्ये विविध सुविधा निर्माण करण्यात जिल्हा शल्य चिकित्सक‎ डॉ चारूदत्त शिंदे प्रयत्न करीत आहेत.‎

वसतिगृहात २४ तास सुरक्षा‎
सीसीटीव्ही कॅमेरे, सुविधा युक्त‎ महाविद्यालय, वसतिगृहात २४ तास‎ सुरक्षा व्यवस्था असल्याने शासकीय‎ नर्सिंग कॉलेज आता चांगलेच‎ नावारूपाला येत आहे. प्राचार्य‎ जितेंद्र चव्हाण, पाठय निर्देशिका‎ नम्रता मदने, पाठय निर्देशक सुशिल‎ केदार, आकाश केंद्र, कल्पेश पवार,‎ संतोष मुठे, पाठय निर्देशिका सोनल‎ कोडोलीकर, ममता ठाकरे,‎ लेखापाल शीतल साळी,‎ संगणकचालक सागर कोळी,‎ परिचर मनोहर खैरनार कार्यरत‎ असून सदर संस्थे करीता आवश्यक‎ सर्व आर्थिक व प्रशासकीय बाबी‎ मनोज चौधरी हे पार पाडत आहेत.‎

बातम्या आणखी आहेत...