मोठा अनर्थ टळला:विसरवाडी येथे दुचाकीत पेट्रोल भरताना उडाला भडका‎

‎ तालुक्यातील विसरवाडी येथील हार्दिक‎ पेट्रोल पंपावर मोटरसायकलीत पेट्रोल‎ भरताना आगीचा भडका उडाला. मात्र‎ युवकाच्या सतर्कतेने मोठा अनर्थ टळला‎ आहे.‎ तालुक्यातील विसरवाडी गावातील‎ हार्दिक पेट्रोल पंपावर साडे पाच वाजेच्या‎ सुमारास पेट्रोल भरण्यासाठी आलेल्या‎ एका युवकाच्या दुचाकी वाहनाने‎ अचानक पेट घेतला. अचानकपणे पेट‎ घेतल्यामुळे काय करावे हे येथील‎ लोकांना समजले नाही.

पेट्रोल‎ भरण्यासाठी आलेल्या इतर‎ वाहनचालकांची चांगलीच तारांबळ‎ उडाली. पेट्रोल पंपावर लागलेली आग‎ पाहून लोक सैरावैरा पळू लागले. दरम्यान‎ त्या ठिकाणी असणारे कर्मचारी अमोल‎ गावित यांनी घटनेचे गांभीर्य ओळखून‎‎‎‎‎‎‎‎‎ फायर फायटरचा सिलिंडर फोडून‎ तत्काळ आग विझविली. त्यामुळे पुढील‎‎‎‎‎‎‎‎‎ मोठा अनर्थ टळला. अमोल गावित‎ याच्या धाडसाचे कौतुक होत आहे.‎